الداعى كۇندەرى اۋا رايى قانداي بولادى؟

سينوپتيكتەر الداعى كۇندەرگە ارنالعان اۋا رايى بولجامىن جاريالادى.

الداعى كۇندەرى انتيتسيكلوننىڭ ورنىنا قارا تەڭىز اۋداندارىنان تسيكلون كەلەدى. ول شىعىسقا قاراي جىلجىپ، سونىڭ اسەرىنەن 28- قاراشادا باتىستا، 29- قاراشادا سولتۇستىك، ورتالىق جانە وڭتۇستىك ايماقتاردا، 30- قاراشادا ەلىمىزدىڭ كوپ بولىگىندە جاڭبىر مەن قار جاۋادى، تۇمان، كوكتايعاق، جەلدىڭ كۇشەيۋى دە بولجانىپ وتىر.

«28 -جانە 30- قاراشادا سولتۇستىك ايماقتاردا جەل ەكپىنى سەكۋندىنا 23-28 مەترگە دەيىن جەتەدى جانە بۇرقاسىن بولادى دەپ كۇتىلىپ وتىر. تسيكلوننىڭ اسەرىن، اسىرەسە، رەسپۋبليكانىڭ وڭتۇستىك ايماقتارىنىڭ تۇرعىندارى سەزىنەدى. ويتكەنى شۋاقتى جىلى اۋا رايى جاۋىن-شاشىندى (نەگىزىنەن جاڭبىر تۇرىندە، تاۋلاردا جاڭبىردىڭ سوڭى قارعا ۇلاسادى) اۋا رايىنا اۋىسادى. ال كۇندىزگى اۋا تەمپەراتۋراسى 15-24 گرادۋس جىلىدان 0-12 گرادۋس جىلىعا دەيىن تومەندەيدى»، - دەلىنگەن بولجامدا.