الداعى كۇندەرى اۋا رايى 20 گرادۋسقا دەيىن جىلىنادى

استانا. KAZINFORM - قازاقستاننىڭ وڭتۇستىگىندە الداعى ءۇش تاۋلىكتە 20 گرادۋسقا دەيىن جىلىنادى دەپ كۇتىلەدى.

بۇل تۋرالى «قازگيدرومەت» ءمالىم ەتتى.

«قازگيدرومەت» سينوپتيكتەرىنىڭ بولجامى بويىنشا، اتموسفەرالىق فرونتالدى بولىمدەردىڭ وتۋىنە بايلانىستى تاياۋداعى ءۇش تاۋلىكتە قازاقستاننىڭ باسىم بولىگىندە جاۋىن-شاشىن بولادى.

9- ناۋرىزدا وڭتۇستىكتە، كۇندىز قازاقستاننىڭ وڭتۇستىك-شىعىسىندا تولاسسىز جاڭبىر جاۋادى. رەسپۋبليكا بويىنشا جەل كۇشەيىپ، باتىستا، سولتۇستىكتە جانە ورتالىقتا تۇمان شوگەدى دەپ بولجانعان.

رەسپۋبليكانىڭ باتىس وبلىستارىندا كۇندىز تەرمومەتر باعانى 0-8 جىلۋعا دەيىن، سولتۇستىكتە 4 گرادۋس ايازدان 1 گرادۋسقا كوتەرىلەدى دەپ بولجانىپ وتىر. ال، ەلىمىزدىڭ وڭتۇستىك وڭىرلەرىندە كۇن رايى 10-20 گرادۋسقا دەيىن جىلىنۋى مۇمكىن.