الداعى كۇندەرى 34 گرادۋسقا دەيىن ىسيدى

استانا. KAZINFORM - رەسپۋبليكانىڭ باسىم بولىگىندە اۋا رايى قۇبىلمالى بولادى: جاڭبىر جاۋىپ، نايزاعاي وينايدى.

وڭتۇستىك- شىعىستىڭ تاۋلى اۋداندارىندا تۇنگى ۋاقىتتا جاڭبىر ارالاس قار جاۋادى. كەي جەرلەردە بۇرشاق جاۋىپ، ەكپىندى جەل سوعۋى مۇمكىن. تۇنگى جانە تاڭعى ۋاقىتتا تۇمان كۇتىلەدى.

جاۋىن-شاشىنسىز اشىق اۋا رايى سولتۇستىك جانە ورتالىق وبلىستاردا بۇكىل كەزەڭ بويى، وڭتۇستىك وبلىستاردا 28-29-ساۋىردە، شىعىس وبلىستاردا 29-30-ساۋىردە كۇتىلەدى.

رەسپۋبليكانىڭ وڭتۇستىك- باتىسىندا جانە وڭتۇستىگىندە شاڭدى داۋىل بولجانادى.

تۇنگى جانە تاڭعى ۋاقىتتا رەسپۋبليكا بويىنشا تۇمان بولادى.

باتىستا، سولتۇستىك- باتىستا، سولتۇستىكتە، شىعىستا، سونداي-اق 28-29-ساۋىردە ەلدىڭ ورتالىعىندا تۇنگى ۋاقىتتا 3 گرادۋسقا دەيىن ۇسىك جۇرەدى دەپ كۇتىلەدى.

كۇندىز رەسپۋبليكا بويىنشا اۋا تەمپەراتۋراسى بىرتىندەپ جوعارىلايدى:

باتىستا 15+...20+ گرادۋسقا دەيىن،

سولتۇستىك- باتىستا 17+.. .25+ گرادۋسقا دەيىن،

سولتۇستىكتە 21+...26+ گرادۋسقا دەيىن،

ورتالىقتا 21+...30+ گرادۋسقا دەيىن،

شىعىستا 19+...27+ گرادۋسقا دەيىن،

وڭتۇستىكتە 25+...34+ گرادۋسقا دەيىن،

وڭتۇستىك- شىعىستا 22+...27+ گرادۋسقا دەيىن.