الداعى دەمالىستا كۇن كۇرت سۋىتىپ، 25-30 گرادۋس اياز قايتا ورالادى

ауа райы
فوتو: Pixabay

قازگيدرومەت سينوپتيكتەرى 6-8-قاڭتارعا ارنالعان ءۇش كۇندىك اۋا رايى بولجامىن جاريالادى.

الداعى كۇندەرى بەلسەندى اتلانتيكا سيكلونى جانە ودان تۋىندايتىن اتموسفەرالىق فرونتتاردىڭ اسەرىنەن قازاقستاننىڭ باسىم بولىگىندە قار، وڭتۇستىك وڭىرلەردە قار ارالاس جاڭبىر جاۋادى.

6-قاڭتاردا سولتۇستىك- باتىستا قالىڭ قار جاۋادى، وڭتۇستىكتە دە مول جاۋىن-شاشىن بولادى.

7-8-قاڭتاردا سولتۇستىك- باتىستا، سولتۇستىكتە جانە ورتالىقتا قاتتى قار جاۋادى.

جاۋىن-شاشىنمەن قاتار رەسپۋبليكانىڭ سولتۇستىك جارتىسىندا كوكتايعاق پەن بوران سوعادى.

رەسپۋبليكا بويىنشا تۇمان ءتۇسىپ، جەل كۇشەيەدى.

ەلدىڭ باتىسىنا، سولتۇستىك-باتىسىنا، سولتۇستىگىنە جانە شىعىسىنا سولتۇستىك- باتىس انتيتسيكلونىنىڭ ىقپالىمەن سۋىق اۋا ماسسالارى كەلەدى.

وسىنىڭ سالدارىنان اۋا تەمپەراتۋراسى كۇرت تومەندەيدى.

باتىستا جانە سولتۇستىك- باتىستا تۇنگى ۋاقىتتا كۇن رايى 8-25 ايازعا دەيىن، سولتۇستىكتە 5-30 ايازعا دەيىن، ال رەسپۋبليكانىڭ شىعىسىندا 5-18 ايازعا دەيىن سۋىتادى.

وڭتۇستىك وڭىرلەردە تۇنگى تەمپەراتۋرانىڭ نەگىزگى فونى مينۋس 5 جانە پليۋس 7 گرادۋس شەگىندە بولادى.

سوڭعى جاڭالىقتار