الداعى ءۇش كۇندە ەلىمىزگە اركتيكالىق سۋىق كەلەدى

 استانا. KAZINFORM - قازگيدرومەت سينوپتيكتەرى 4-6-مامىر ارالىعىنا ارنالعان ءۇش كۇندىك اۋا رايى بولجامىن جاريالادى.

ەلىمىزدىڭ سولتۇستىك جانە باتىس ايماقتارىنىڭ تۇرعىندارى كوكتەمگى جىلۋدى سەزىنىپ ۇلگەرمەي جاتىپ قايتادان اركتيكالىق سۋىقپەن قاۋىشادى.

مۇنىڭ سەبەبى - قىسىم ورىستەرىنىڭ جىلدام وزگەرۋىنەن.

سولتۇستىك جانە وڭتۇستىك سيكلونداردىڭ سكانديناۆيالىق انتيتسيكلونمەن الماسۋى قازاقستان اۋماعىنا جاۋىن-شاشىن مەن سالقىن اۋا رايىن اكەلەدى.

بارەنتس تەڭىزىنەن ىققان سۋىق اۋا ماسسالارىنىڭ باسىپ كىرۋى اۋا تەمپەراتۋراسىنىڭ تومەندەۋىنە اكەلىپ سوعادى.

تۇندە رەسپۋبليكانىڭ سولتۇستىك-باتىسىندا، سولتۇستىگىندە جانە ورتالىعىندا تەرمومەتر باعانى مينۋستى كورسەتەدى.

جاۋىن-شاشىن جاۋىپ، ونىڭ سوڭى قارعا ۇلاسادى.

ال وڭتۇستىك وبلىستاردا كۇن كۇركىرەپ، بۇرشاق جاۋىپ، جاڭبىر جاۋاتىنىنا قاراماستان كوكتەمگى جىلى اۋا رايى ساقتالادى.