الداعى ءۇش كۇندە 32 گرادۋسقا دەيىن سۋىتىپ، بوران سوعادى

 استانا. KAZINFORM -قازگيدرومەت سينوپتيكتەرى 13-15-اقپان ارالىعىنا ارنالعان ءۇش كۇندىك اۋا رايى بولجامىن جاريالادى.

13-14-اقپاندا فرونتتاردىڭ اسەرىنەن قازاقستاننىڭ باسىم بولىگىندە اۋا رايىنىڭ تۇراقسىز سيپاتى ساقتالادى.

جاڭبىر مەن قار جاۋادى، سولتۇستىك وڭىرلەردە قالىڭ قار جاۋادى.

بۇرقاسىن، كوكتايعاق بولادى.

سونداي-اق اۋا تەمپەراتۋراسى باتىستا 5 گرادۋس ايازدان 5 جىلىعا دەيىن، سولتۇستىك، ورتالىق شىعىس وڭىرلەردە -5 ايازدان +2 دەيىن جوعارىلايدى.

15-اقپاندا تسيكلون قازاقستان اۋماعىنان جىلجىپ، ونىڭ سوڭىنان اركتيكالىق انتيتسيكلون ەنەدى.

سالدارىنان رەسپۋبليكانىڭ سولتۇستىك جارتىسىنا اياز قايتىپ كەلەدى.

ەلىمىزدىڭ باتىسىندا، سولتۇستىك- باتىسىندا جانە سولتۇستىگىندە 15-اقپاندا اۋا تەمپەراتۋراسى تۇندە 22-32، كۇندىز 15-27 گرادۋس ايازعا دەيىن تومەندەيدى.

ەلىمىزدىڭ قالعان اۋماعىندا تەمپەراتۋرالىق فوندا كۇرت وزگەرىس بولمايدى.