الداعى ءۇش كۇن 46 گرادۋس شىڭىلتىر اياز ساقتالادى

  قازگيدرومەت سينوپتيكتەرى 9-11-جەلتوقسانعا ارنالعان ءۇش كۇندىك اۋا رايى بولجامىن جاريالادى، دەپ حابارلايدى Kazinform.

الداعى ءۇش تاۋلىكتە اركتيكالىق انتيتسيكلوننىڭ اسەرىنەن رەسپۋبليكانىڭ باسىم بولىگىندە جاۋىن-شاشىن توقتاپ، ايازدى اۋا رايى كۇشىنە مىنەدى.

ال اتموسفەرالىق فرونتتاردىڭ اسەرىنەن رەسپۋبليكانىڭ شىعىسىندا قار جاۋادى.

قازاقستاننىڭ وڭتۇستىك-باتىسىندا جانە وڭتۇستىك وبلىستارىندا جاۋىن- شاشىن (جاڭبىر، قار) ساقتالادى.

رەسپۋبليكانىڭ وڭتۇستىگىندە تاۋ بوكتەرىندە جانە تاۋلى ايماقتاردا قاتتى قار جاۋادى.

«اۋا تەمپەراتۋراسى تۇندە سولتۇستىك- باتىستا 20-37 گرادۋس ايازعا دەيىن، سولتۇستىكتە 30-38 گرادۋس اياز، رەسپۋبليكانىڭ قيىر سولتۇستىگىندە 40-46 گرادۋس ايازعا دەيىن سۋىتادى. ورتالىقتا جانە شىعىستا كۇن 25-35 گرادۋس ايازعا دەيىن تومەندەيدى. رەسپۋبليكا بويىنشا جەل كۇشەيىپ، وڭتۇستىك وبلىستاردا تۇمان بولجانادى» دەپ مالىمدەدى سينوپتيكتەر.