الداعى 4 جىلدا قازاقستان تۋريزمى قاي باعىتتا داميدى
دۇنيەجۇزىلىك ەكونوميكالىق فورۋمنىڭ ساياحات پەن ءتۋريزمدى دامىتۋ يندەكسىنە سايكەس قازاقستان تۋريستىك باعىتتار تىزىمىندە 119 ەل اراسىنان 52-ورىندى يەلەندى.
بۇعان دەيىنگى يندەكستە قازاقستان 66-ورىنعا تابان تىرەگەن ەدى. سالالىق مينيسترلىك 2025-2029 -جىلدارى وسى كورسەتكىشتى 50 - ورىنعا دەيىن كوتەرۋدى جوسپارلاپ وتىر.
سونىمەن قاتار الداعى 4 جىلدا شۋچە-بۋراباي، ماڭعىستاۋ كۋرورتتىق ءوڭىرى مەن الماتى تاۋ كلاستەرىن دامىتۋعا ايرىقشا دەن قويماق. 2027 -جىلعا دەيىن قۇنى 1,1 تريلليون تەڭگەدەن اساتىن 181 ينۆەستيتسيالىق جوبانى جۇزەگە اسىرۋ كوزدەلگەن. وسى جوبالار شەڭبەرىندە تۋريزم سالاسىندا ەڭبەك ەتەتىن ادامدار سانى 800 مىڭعا ۇلعايتىلماق.
ەلىمىزدەگى ىشكى تۋريستەر سانىن 11 ميلليونعا جەتكىزىپ، بارلىق قوناق ۇيگە eQonaq اقپاراتتىق جۇيەسىن ەنگىزۋ مەجەسى قويىلعان.
تۋريزم يندۋسترياسى كوميتەتىنىڭ مالىمەتىنشە، بىلتىر قازاقستانعا 5,3 ميلليون شەتەلدىك تۋريست كەلگەن، ولار ەلىمىزدە ورتاشا ەسەپپەن 1500 ا ق ش دوللارىن جۇمساعان.
