الداعى 3 جىلدا 8 شەكارالىق اۋىل كارتادان جويىلىپ كەتۋى مۇمكىن
استانا. KAZINFORM - كەيىنگى 10 جىلدىڭ ىشىندە قازاقستان كارتاسىنان 572 اۋىل جويىلعان. الداعى 3 جىلدا ولاردىڭ قاتارىنا تاعى 546 اۋىل قوسىلۋى مۇمكىن. بۇل تۋرالى ۇلتتىق ەكونوميكا مينيسترلىگىنىڭ Kazinform ساۋالىنا جولداعان جاۋابىندا ايتىلعان.
— 2014-2024 -جىلدار ارالىعىندا ەلىمىزدە 572 اۋىلدىق ەلدى مەكەن
قىسقارتىلعان. قازاقستان رەسپۋبليكاسى اكىمشىلىك- اۋماقتىق قۇرىلىسى تۋرالى» ق ر زاڭىنىڭ تالاپتارىنا سايكەس، حالىق سانى 50 ادامنان كەم اۋىلداردىڭ قىسقارۋى ورىن الىپ، جاقىن ماڭداعى ەلدى مەكەننىڭ قۇرامىنا ەنگىزىلەدى. 2024 -جىلدىڭ 1-قاڭتارىنداعى جاعداي بويىنشا ەلدە تۇرعىندارىنىڭ سانى 50 ادامعا جەتپەيتىن 546 اۋىلدىق ەلدى مەكەن بار. ونىڭ ىشىندە 8 ءى ستراتەگيالىق (شەكارادان 25 ك م قاشىقتىقتا ورنالاسقان) اۋىلدىق ەلدى مەكەن، - دەپ جازىلعان رەسمي مالىمەتتە.
زاڭ بويىنشا بولاشاعى بۇلىڭعىر اۋىلدى الەۋەتى جوعارى ىرگەلەس ەلدى مەكەنگە قوسۋ ءۇشىن 3 جىل قاتارىنان تۇرعىن سانى 50 دەن تومەن بولىپ تۇرۋى كەرەك.
— ق ر اكىمشىلىك- اۋماقتىق قۇرىلىسى تۋرالى» ق ر زاڭىنىڭ 14-2 باپتىڭ تالاپتارىنا سايكەس، ءۇش جىل بويى زاڭنىڭ 3-بابىندا بەلگىلەنگەن دەموگرافيالىق تالاپتارعا ساي كەلمەيتىن اۋىل نەمەسە كەنتتىڭ ستاتۋسىن وزگەرتۋ كوزدەلگەن. بۇل ۋاقىتشا شەكتەۋلەر ءجيى اۋىسىپ تۇراتىن ەلدى مەكەندەردىڭ ساناتتارىن وزگەرتۋ مۇمكىندىگىن بولدىرماۋ جانە جەرگىلىكتى اتقارۋشى ورگاندارعا ەلدى مەكەندەردى دامىتۋ بويىنشا شارالار قابىلداۋ مۇمكىندىگىن قامتاماسىز ەتۋ ماقساتىندا بەلگىلەنگەن، - دەپ جازادى مينيسترلىك ماماندارى.
وقۋ- اعارتۋ ءمينيسترى عاني بەيسەمبايەۆتىڭ مالىمەتى بويىنشا، شەكارا ماڭىنداعى 100 گە جۋىق مەكتەپتە ينتەرنەت ساپاسى ناشار.
