قازاق تىلىنەن 5-8، 10-سىنىپ وقۋشىلارى ەمتيحان تاپسىرادى

эвакуация
فوتو: جانكەلدى قارجان/kazinform

استانا. قازاقپارات - ءار مەكتەپ اتالعان مەرزىم ىشىندە ەمتيحان كۇنىن ءوزى بەلگىلەيدى. بيىل 5-8، 10-سىنىپ وقۋشىلارى تۇڭعىش رەت «قازاق تىلىنەن» ەمتيحان تاپسىرادى. ەمتيحان ۋاقىتى 27-31-مامىر ارالىعىنا بەلگىلەنگەن. دەگەنمەن، ەمتيحاننىڭ ناقتى ۋاقىتىن ءار مەكتەپ وزىنشە بەلگىلەۋگە قۇقىلى.

قازاق تىلىنەن ەمتيحان جازباشا جانە اۋىزشا فورماتتا وتەدى جانە ءۇش ساعاتقا سوزىلادى. جازباشا ەمتيحاندا وقۋشىلارعا ەسسە جازۋعا تاپسىرما بەرىلسە، اۋىزشا ەمتيحاندا وقۋشىنىڭ سويلەۋ، تىڭداۋ جانە وقۋ قابىلەتتەرى تەكسەرىلەدى. 
وقۋ-اعارتۋ مينيسترلىگىنىڭ تۇسىندىرۋىنشە، ەمتيحان وقۋشىلار ءار توقسان سايىن تاپسىراتىن باعالاۋ جيىنتىعىنا وتە ۇقساس كەلەدى. ال تاپسىرمالاردى ءار مەكتەپتىڭ مۇعالىمدەرى وزدەرى ازىرلەپ، ەمتيحاندى دا وزدەرى قابىلدايدى.
بيىل اتالعان ەمتيحاننىڭ تۇڭعىش رەت وتكىزىلۋىنە بايلانىستى، وقۋشىلاردىڭ قورىتىندى باعاسى ەمتيحاننىڭ ناتيجەسىنە (30 پايىز) جانە وقۋشىنىڭ جىلدىق ۇلگەرىمىنە (70 پايىز) قاراي قويىلادى.

ەمتيحان قالاي باعالانادى؟ 
ەڭ جوعارعى ناتيجە - 30 بال. ونىڭ ىشىندە:

0-11 بال - تومەن. وقۋشى ەمتيحاندى قايتا تاپسىرادى؛
12-18 بال - ورتاشا كورسەتكىش (3 دەگەن باعاعا بالاما)؛
19-24 بال - جاقسى كورسەتكىش (4 دەگەن باعاعا بالاما)؛
25-30 بال - وتە جاقسى كورسەتكىش (5 دەگەن باعاعا بالاما).

 Informburo.kz

سوڭعى جاڭالىقتار