الداعى 2024-2025 وقۋ جىلىنا بولىنگەن ءبىلىم بەرۋ گرانتتارىنىڭ ءتىزىمى جاريالاندى
استانا. KAZINFORM - جوعارى ءبىلىم بەرۋدىڭ بارلىق دەڭگەيلەرى بويىنشا 2024-2025 وقۋ جىلىنا ارنالعان ءبىلىم بەرۋ گرانتتارىن ءبولۋ ءتىزىمى جاريالاندى.
بيىل جوعارى وقۋ ورىندارىندا وقۋ ءۇشىن 112 مىڭ گرانت بولىنگەن، - دەپ حابارلايدى Massaget.kz ءتىلشىسى.
گرانتتاردىڭ باسىم بولىگى «ينجەنەرلىك، وڭدەۋ، قۇرىلىس سالالارى» ءبىلىم بەرۋ باعدارلاما توپتارىنا ءبولىندى، ولاردىڭ سانى 19344 گرانتتى قۇرايدى. ال «پەداگوگيكالىق عىلىمدارعا» - 13735 گرانت، «اقپاراتتىق-كوممۋنيكاتسيالىق تەحنولوگيالار» سالاسىنا - 10903 گرانت، «جاراتىلىس تانۋ عىلىمدارى، ماتەماتيكا جانە ستاتيستيكا» باعىتىنا - 8288 گرانت تيەسىلى.
بيىل العاش رەت ءىشىنارا وقۋ اقىسى بار سارالانعان گرانتتار ەنگىزىلدى. «پەداگوگيكالىق عىلىمدار» جانە «الەۋمەتتىك عىلىمدار، جۋرناليستيكا جانە اقپارات» ب ب ب ت بويىنشا 150 سارالانعان گرانتتان بولىنگەن.
سونداي-اق، «سەرپىن» باعدارلاماسى ارقىلى تۇسۋشىلەرگە 3903 گرانت بولىنگەن. «سەرپىن» جوباسى ارقىلى 4 دايارلاۋ باعىتى بويىنشا ءبىلىم الۋعا بولادى. اتاپ ايتساق، پەداگوگيكالىق عىلىمدار، ينجەنەرلىك-تەحنيكالىق، اقپاراتتىق تەحنولوگيالار، اۋىلشارۋاشىلىعى ماماندىقتارى بويىنشا وقۋعا تۇسە الادى. باعدارلاماعا وڭتۇستىك وڭىردەگى اۋىل جاستارى قاتىسادى. ايتا كەتسەك، وقۋ بىتىرگەسىن گرانت وتەۋ مەرزىمى 3 جىلدان 2 جىلعا قىسقارتىلىپ، وتەۋ ورنى 11 ايماققا ۇلعايتىلدى.
گرانتتار تىزىمىندە 5000 حالىق تىعىز قونىستانعان جانە باتىس وڭىرلەردىڭ جاستارىن جەتەكشى جوعارى وقۋ ورىندارىندا وقىتۋ ءۇشىن ماقساتتى ءبىلىم بەرۋ گرانتى بار، ونىڭ ىشىندە گرانتتار اتىراۋ جانە ماڭعىستاۋ وبلىسى تۇلەكتەرىنە ارنالعان.
جالپى، باكالاۆرياتقا ءتۇسۋ ءۇشىن 2024-2025 وقۋ جىلىندا 79 مىڭعا جۋىق گرانت ءبولىندى.
ماگيستراتۋراعا تۇسۋگە 13 مىڭعا جۋىق، دوكتورانتۋراعا تۇسۋگە 1900 استام گرانت بولىنگەن.
2024-2025 وقۋ جىلىنا ارنالعان ءبىلىم بەرۋ گرانتتارىن ءبولۋدىڭ تولىق ءتىزىمى قازاقستان رەسپۋبليكاسى ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ سايتىندا كەلەسى سىلتەمەلەر بويىنشا جاريالانعان:
باكلاۆريات https://testcenter.kz/press-tsentr/novosti/؟ ELEMENT_ID=6923
ماگيستراتۋرا https://testcenter.kz/press-tsentr/novosti/detail.php؟ ID=6924
دوكتورانتۋرا https://testcenter.kz/press-tsentr/novosti/detail.php؟ ID=6925
