العىس ايتۋ كۇنىنە ارنالعان «ارايلى اتامەكەنىم» رەسپۋبليكالىق چەللەندجى باستالدى
استانا. KAZINFORM - بۇگىن العىس ايتۋ كۇنىنە ارنالعان قر مادەنيەت جانە اقپارات مينيسترلىگىنىڭ باستاماسىمەن «ارايلى اتامەكەنىم» رەسپۋبليكالىق چەللەندجى باستاۋ الدى.
باستاما قازاقستاندىقتار اراسىندا بەيبىتشىلىك پەن كەلىسىمنىڭ ارقاسىندا قول جەتكىزگەن ەل بىرلىگى مەن پاتريوتيزمدى نىعايتۋعا، رۋحاني دامۋعا، ادامدارمەن جاقسى قارىم-قاتىناس ورناتىپ، باسقالار ءۇشىن دە جاۋاپتى بولۋعا تاربيەلەيدى.
«ارايلى اتامەكەنىم» چەللەندجىنە كەز كەلگەن ادام قاتىسا الادى. ول ءۇشىن ەسكەندىر حاسانعاليەۆتىڭ «اتامەكەن» ءانىن قولدانىپ، پىكىرىڭىزدى جازىپ، #ارايلى اتامەكەنىم، #ArailyAtamekenim حەشتەگىن بەلگىلەپ، الەۋمەتتىك جەلى پاراقشاسىنا جاريالاۋ قاجەت.
ودان ءارى ەستافەتانى دوستارىڭىز بەن وقىرماندارىڭىزعا جولداۋعا بولادى. چەللەندج رەسپۋبليكا بويىنشا 3-ناۋرىزعا دەيىن جالعاسادى.
ايتا كەتۋ كەرەك، چەللەندجدى باستاپ كەتكەندەر دە بار. ولار قوعامداعى بىرلىك پەن كەلىسىم، تۋعان جەرگە دەگەن سۇيىسپەنشىلىكتەرى مەن مادەني ەرەكشەلىكتەرىن، داستۇرلەرى مەن قۇندىلىقتارى تۋرالى پىكىرىن جازىپ، العىستارىن ءبىلدىرىپ جاتىر.
