العىس ايتۋ كۇنى: اتىراۋدا وزگە ەتنوستىڭ بالاسى «ەركە سىلقىم» كۇيىن تارتىپ بەردى

اتىراۋ. KAZINFORM - اتىراۋدا 1-ناۋرىز - العىس ايتۋ كۇنىنە وراي «العىس ايتۋ - ادامگەرشىلىكتىڭ بەلگىسى» چەللەندجى ءوتىپ جاتىر. اتالعان چەللەندجدى «قوعامدىق كەلىسىم» كوممۋنالدىق مەملەكەتتىك مەكەمەسى ۇيىمداستىردى.

چەللەندجگە اتىراۋ قالاسىنداعى جالپى ءبىلىم بەرەتىن №24-ورتا مەكتەپتىڭ وقۋشىلارى دا قاتىستى. سونىڭ ءبىرى - ستەپان پارحومەنكو.

ول قازاقشا مۇدىرمەي سويلەيدى. قازاقتىڭ ۇلتتىق اسپابى - دومبىرامەن كۇي شەرتەدى.

بۇگىن بارشانى 1-ناۋرىز - العىس ايتۋ كۇنىمەن قۇتتىقتاپ، كومپوزيتور ءابدىمومىن جەلدىبايەۆتىڭ «ەركە سىلقىم» كۇيىن ورىنداپ بەردى.

اتىراۋداعى «دوۆيرا» ۋكراين ەتنومادەني بىرلەستىگىنىڭ وكىلى سوفيا پاۆلەنكو دا قازاق حالقىنا العىسىن ءبىلدىردى.

- ءبىز ءبىر شاڭىراقتىڭ استىندا تۇرامىز. ءبىز - قازاقستاندىق ءبىر وتباسىنىڭ مۇشەسىمىز. قازاق باۋىرلارىمىزعا قايىرىمدىلىعى، مەيىرىمدىلىگى ءۇشىن، تولەرانتتىلىعى مەن ادامگەرشىلىگى، سىيلاستىعى ءۇشىن العىسىمدى ايتامىن. ءبىزدىڭ قازاقستانىمىز وركەندەپ، بىرلىگىمىز ارتا بەرسىن، - دەيدى سوفيا پاۆلەنكو.

ەسكە سالا كەتەلىك، بۇدان بۇرىن ق ح ا كەڭەسىنىڭ مۇشەسى قازاق حالقىنا سالت-ءداستۇرى مەن ءتىلىن مەڭگەرۋ ارقىلى دا العىس ايتۋعا بولاتىنىن بىلدىرگەن ەدى.

اۆتور

جولداسبەك شوپەعۇل