العاشقى وزبەك كومپيۋتەرلىك ويىنى جاريالاندى

وزبەكستاننىڭ Doomers Entertainment ستۋدياسى «التىن وردا» دەپ اتالاتىن اۋقىمدى كومپيۋتەرلىك ويىندى ازىرلەدى.

ستۋديانىڭ بۇل العاشقى ويىنىنداعى وقيعالار XIII عاسىرعا جاتادى جانە ورتالىق ازيادا ورىن الادى، دەپ حابارلايدى UzA.

وندا ويىنشى موڭعول وتباسىلارىندا بولاتىن كورىنىستەرگە قاتىسادى. ويىن كارتاسىنىڭ كولەمى 76 شارشى شاقىرىمدى قۇرايدى، بۇل اتى اڭىزعا اينالعان The Elder Scrolls V: Skyrim ويىنىنان دەرلىك ەكى ەسە ۇلكەن.

«XIII عاسىر ورتاسىندا ۇلىس بيلىگى توڭىرەگىندە جاعداي شيەلەنىسە تۇسەدى. قوماعاي، دۇنيەپاراز بيلەۋشى ەسۋ-مۋنكە بيلىكتى قاراۋسىز قالدىرادى. ونىڭ ورنىنا ايەلى مەن ءمينيسترى ۇكىمەتتى باسقارادى. ۇلىستا موڭعولدىڭ ەكى ۇلى تايپاسى بيلىككە ۇمتىلادى. باي-اۋقاتتىلار وداقتاستارىمەن بىرىگىپ، قاستاندىقتار ۇيىمداستىرادى. ەل اراسىندا داۋ تۋىنداپ، ەكىگە بولىنەدى».

ويىننىڭ سيۋجەتى وسى جەردەن باستالادى.

جاقىندا Doomers Entertainment ستۋدياسى زاماناۋي Unreal Engine 5 باعدارلامالىق جاساقتاماسىنا اۋىسقانىن حابارلادى. جوبانى VK The Golden Horde ەكشن ر پ گ ورتا عاسىر» الەۋمەتتىك جەلىسىنەن قاراۋعا بولادى. ويىن ءالى Steam ونلاين دۇكەندەرىنە شىعارىلماعان.