الگەبرا جانە گەومەتريا پاندەرى بىرىكتىرىلە مە - مينيستر جاۋابى

استانا. KAZINFORM - وقۋ-اعارتۋ ءمينيسترى ءماجىلىس وتىرىسىنان كەيىنگى باسپا ءسوز ءماسليحاتىندا الگەبرا جانە گەومەتريا پاندەرىن بىرىكتىرىپ وقىتۋ تۋرالى ۇسىنىستارعا پىكىر ءبىلدىردى.

«ىرىسبەك ءماۋىت دەيتىن عالىم الەۋمەتتىك جەلىدە الگەبرا جانە گەومەتريا پاندەرىن بىرىكتىرىپ وقىتۋ تۋرالى ۇسىنىس ايتتى. وسى ۇسىنىسقا نە ايتاسىز؟ نەگە ءبىز سوۆەت زامانىنان قالعان ەسكى تاسىلمەن ساباق بەرىپ كەلەمىز»، - دەپ سۇرادى جۋرناليست.

مينيستر سالا ماماندارى بۇل ماسەلەدە ءالى ءبىر توقتامعا كەلە الماي جاتقانىن ايتتى.

«بۇل دۇنيەلەردى ءبىز ءتيىستى ماماندارمەن، ساراپشىلارمەن شەشۋىمىز كەرەك. بۇگىنگى تاڭدا ول ماسەلە بويىنشا ۇلكەن تالقىلاۋ ءجۇرىپ جاتىر. ەكى ءتۇرلى پىكىر بار. قوسىپ وقىتايىق دەيتىندەر دە، قوسپاي وقىتايىق دەيتىندەر دە بار. قازىر ساراپشىلار توبى، عالىمدار، ادىسكەرلەر مۇعالىمدەر ءبىر شەشىمگە كەلگەن كەزدە عانا مينيسترلىك ونى تولىققاندى قۋاتتايدى. ازىرگە ول ساراپشىلاردىڭ ورتاق بايلامعا كەلمەگەنىن ايتقىم كەلەدى. قالاي ورتاق مامىلەگە كەلەدى، سول شەشىم بويىنشا جىلجيمىز»، - دەدى ول.

مينيستر ءوزى ماتەماتيك بولماعاندىقتان سول سالانىڭ عالىمدارى ايتقان پىكىرگە قاراپ شەشىم قابىلدايتىنىن ايتتى.

«مەن ماتەماتيك ەمەسپىن. سوندىقتان ماتەماتيكا ساراپشىلاردىڭ، ناعىز مامانداردىڭ پىكىرىن تىڭدايىق. سولار نە ايتادى، سول شەشىممەن جۇرەمىز»، - دەدى عاني بەيسەمبايەۆ.

بۇگىنگى ءماجىلىس وتىرىسىندا دەپۋتات ەدىل جاڭبىرشين نەمەرەسىن بالاباقشاعا بەرۋگە قورقاتىنىن ايتتى.

اۆتور
ەسىمجان ناقتىباي