الاياقتىقتىڭ جاڭا ءتۇرى: الماتىدا قىمبات كولىكتەر مەن تاۋارلاردى قولدى قىلعان 5 كۇدىكتى ۇستالدى

Павлодарда 30 жылдан астам уақыт бойы сот төрелігінен қашып жүрген ер адам ұсталды
Фото: polisia.kz

الماتى. KAZINFORM - ءتارتىپ ساقشىلارى قالاارالىق تاسىمالداۋ سالاسىندا قىمبات اۆتوكولىكتەر مەن ءتۇرلى تاۋارلاردى جىمقىرۋمەن بايلانىستى الاياقتىق فاكتىلەرى تۋرالى ەسكەرتۋ جاسادى.

ۆەدومستۆو كولىك ۇرلاۋ الداۋ ءتاسىلى ارقىلى جۇرەتىنىن حابارلايدى.

- تاپسىرىس بەرۋشىلەرمەن جانە جۇك كولىكتەرىنىڭ جۇرگىزۋشىلەرىمەن ولاردىڭ كولىك پەن تاۋار تاسىمالداۋ تۋرالى حابارلاندىرۋلارى بويىنشا الاياقتار حابارلاسىپ، تاسىمالداۋ قىزمەتىن ۇسىنادى. ولار تاپسىرىس بەرۋشىلەرگە وزدەرىن اۆتوكولىك جۇرگىزۋشىسى رەتىندە، ال جۇرگىزۋشىلەرگە تاپسىرىس بەرۋشى رەتىندە تانىستىرادى. ەكى تاراپتى دا الداپ، كوندىرىپ، ودان ءارى قاراي زاڭسىز وتكىزۋ ماقساتىندا ۇرلانعان تاۋاردى ارتادى، - دەدى ق ر ءى ءى م رەسمي وكىلى شىڭعىس الەكەشيەۆ.

ونىڭ ايتۋىنشا، كوبىنەسە مۇنداي فاكتىلەر الماتى قالاسى مەن الماتى وبلىسىنان باسقا وڭىرلەرگە تاسىمالداۋ بارىسىندا انىقتالعان. جەدەل- ىزدەستىرۋ ءىس-شارالارىنىڭ ناتيجەسىندە وسىنداي قىلمىستىق توپتىڭ بەس مۇشەسى ۇستالدى.

- ءى ءى م ازاماتتارعا جۇكتى جونەلتۋ جانە قابىلداۋ بارىسىندا بارلىق قاجەتتى قۇجاتتارمەن مۇقيات تانىسۋدى ۇسىنادى. حابارلاندىرۋدا كورسەتىلگەن جۇرگىزۋشىنىڭ ءنومىرىن مىندەتتى تۇردە تەكسەرىپ، ونىمەن تاسىمالداۋ مارشرۋتىن تالقىلاپ، جەتكىزۋ مەكەنجايىن انىقتاپ الۋ قاجەت. كۇدىكتى ءىس-ارەكەتتەردى بايقاساڭىز، دەرەۋ پوليتسياعا حابارلاسىڭىز، - دەدى ق ر ءى ءى م رەسمي وكىلى شىڭعىس الەكەشيەۆ.

سوڭعى جاڭالىقتار