الاياقتاردى انىقتاۋعا ارنالعان سايت ىسكە قوسىلدى

جاڭا پورتال ارقىلى ازاماتتار كۇماندى سايتتار مەن ينۆەستيتسيالىق كومپانيالاردى تەكسەرىپ، قارجىلىق الاياقتىقتان قورعانۋ جولدارى تۋرالى اقپارات الا الادى.

سايتتا الاياقتىق جولداردىڭ الدىن الۋ تۋرالى مالىمەتتەر، كۇماندى رەسۋرستاردى تەكسەرۋگە ارنالعان انىقتامالىق جانە «فروددي» جاساندى ينتەللەكت كومەكشىسى بار. سونداي-اق الاياقتارعا تاپ بولعان جاعدايدا بانككە، پوليتسياعا نەمەسە 116 بايلانىس ورتالىعىنا قالاي جۇگىنۋ كەرەگى تۇسىندىرىلەدى.

ەگەر بانك شوتى بۇعاتتالسا، «فروددي» كومەكشىسى ماسەلەنى شەشۋ ءۇشىن قاي مەكەمەگە حابارلاسۋ كەرەگىن انىقتاۋعا كومەكتەسەدى. الايدا ۇلتتىق بانك پەن انتيفرود-ورتالىق شوتتاردى بۇعاتتامايدى جانە بۇعاتتان شىعارمايدى.

قازىر ورتالىققا 270 ۇيىم مەن مەكەمە قوسىلعان. جۇيەدە تىركەلگەن وقيعالار سانى 200 مىڭنان استى. الداعى ۋاقىتتا پلاتفورماعا حابارلاندىرۋ سەرۆيستەرىن، ماركەتپلەيستەردى جانە كريپتوۆاليۋتا قىزمەتىن كورسەتەتىن ۇيىمداردى قوسۋ جوسپارلانىپ وتىر.