الاياقتاردان 5,5 ميلليارد تەڭگە بۇعاتتالدى
استانا. KAZINFORM - ۇلتتىق بانكتىڭ انتيفرود-ورتالىعى قاتىسۋشىلارىمەن ءوزارا ءىس-قيمىل كۇماندى وپەراتسيالاردى بارىنشا جەدەل انىقتاۋعا جانە ۇرلانعان قاراجاتتىڭ ودان ءارى كەتۋىنە جول بەرمەۋگە مۇمكىندىك بەرىپ وتىر.
بۇل تۋرالى ق ر ءى ءى م كيبەرقىلمىسقا قارسى ءىس-قيمىل دەپارتامەنتىنىڭ باستىعى جاندوس ءسۇيىنباي ورتالىق كوممۋنيكاتسيالار قىزمەتىندە وتكەن بريفينگتە ايتتى.
- ەسەپتىك كەزەڭدە 212 مىڭ ينتسيدەنت قالىپتاستى، ونىڭ 76 مىڭنان استامىنا ىشكى ىستەر ورگاندارى باستاماشىلىق ەتتى،-دەدى دەپارتامەنت باسشىسى.
ونىڭ ايتۋىنشا، ناتيجەسىندە اقشا اۋدارۋشىلاردىڭ شوتتارىنداعى 4 ميلليارد تەڭگە، ال دروپتاردىڭ شوتتارىنداعى 1,5 ميلليارد تەڭگە بۇعاتتالدى. جابىرلەنۋشىلەرگە ءوز ەركىمەن 617 ميلليون تەڭگە قايتارىلدى.
سپيكەر قۇقىق قورعاۋ ورگاندارى مەن قارجى سەكتورى اراسىنداعى جەدەل اقپارات الماسۋ وتە ماڭىزدى ەكەنىن اتاپ ءوتتى. ونىڭ سوزىنشە، ءىس-قيمىل جىلدامدىعى ازاماتتاردىڭ اقشاسىن ساقتاپ قالۋعا جانە قايتارۋعا تىكەلەي اسەر ەتەدى.
سونىمەن قاتار وتكەن جانە اعىمداعى جىلى مەملەكەتتىك ورگاندارمەن بىرلەسىپ ءبىرقاتار زاڭنامالىق جانە ۇيىمداستىرۋشىلىق شەشىم ىسكە اسىرىلعان. اتاپ ايتقاندا، ونلاين-قارىزداردى راسىمدەۋ جانە SIM كارتالاردى تىركەۋ كەزىندە تۇتىنۋشىلىق كرەديت بەرۋ تالاپتارى كۇشەيتىلدى.
- وتكەن اپتادا مەملەكەت باسشىسى ءبىز ازىرلەگەن «ەۋروپا كەڭەسىنىڭ كيبەرقىلمىسقا قارسى كونۆەنتسياسىن راتيفيكاتسيالاۋ تۋرالى» زاڭعا قول قويدى. ول كونۆەنتسياعا قاتىسۋشى ەلدەرمەن جەدەل ءوزارا ءىس-قيمىل جاساۋعا جانە اقپارات الماسۋعا مۇمكىندىك بەرەدى، - دەدى جاندوس ءسۇيىنباي.
بۇدان بولەك، «ب ۇ ۇ-نىڭ كيبەرقىلمىسقا قارسى كونۆەنتسياسىن راتيفيكاتسيالاۋ تۋرالى» زاڭ جوباسى ازىرلەنىپ، قۇرىلتايدىڭ قاراۋىنا ۇسىنىلدى.
دەپارتامەنت باسشىسىنىڭ سوزىنشە، قابىلدانعان شارالار جەدەل جاعدايدى تۇراقتاندىرىپ، ينتەرنەت-الاياقتىقتى تىركەۋ كورسەتكىشىن تومەندەتۋگە مۇمكىندىك بەردى.
- ءاربىر كەلتىرىلگەن زالالدىڭ ارتىندا قاسكۇنەمدەر پايدالانۋعا تىرىساتىن ناقتى ادام، وتباسى جانە سەنىم بار ەكەنىن تۇسىنەمىز،- دەپ قورىتىندىلادى ول.
ايتا كەتەيىك، بۇعان دەيىن ءۇش ايدا 1595 كيبەرقىلمىس انىقتالعانىن جازعانبىز.
