الاياقتار ۇ ق ك اتىنان ادامدارعا قوڭىراۋ شالىپ، قۇجات جىبەرىپ جاتىر

استانا. KAZINFORM - قازىرگى ۋاقىتتا الاياقتىق ارەكەت فاكتىلەرى جيىلەپ كەتتى. ەندى شابۋىلداۋشىلار كۇشتىك قۇرىلىمداردىڭ، سونىڭ ىشىندە ۇلتتىق قاۋىپسىزدىك كوميتەتى باسشىلارىنىڭ اتىنان ازاماتتارعا قوڭىراۋ شالىپ جاتىر.

بۇل تۋرالى ۆەدومستۆونىڭ باسپا ءسوز قىزمەتى حابارلادى.

الاياقتار اتاپ ايتقاندا، قوڭىراۋ شالىپ نەمەسە وزدەرىنىڭ مۇددەسى ءۇشىن قارجىلىق جانە باسقا وپەراتسيالاردى جۇرگىزۋ تۋرالى وتىنىشتەرى نەمەسە تالاپتارى بار ماتىندىك حابارلامالار جىبەرەدى. بۇل رەتتە ازاماتتارعا ولاردىڭ اتىنا قىلمىستىق ماقساتتا پايدالانىلعان اقشالاي نەسيە رەسىمدەلگەنى، سونداي-اق قىلمىستىق جاۋاپتىلىققا تارتىلاتىنى جايلى قورقىتقان حابارلاما كەلەدى.

ۇ ق ك سيمۆوليكاسى بار ارنايى دايىندالعان قۇجاتتاردىڭ فايلدارى ءجيى جىبەرىلەدى (قىزمەتتىك كۋالىك، حاتتار مەن بۇيرىقتاردىڭ فيرمالىق بلانكىلەرى).

ەستەرىڭىزگە سالا كەتەيىك، ۇقك قىزمەتكەرلەرى قىزمەتتىك مىندەتتەرىن اتقارۋ كەزىندە ازاماتتارعا قانداي دا ءبىر قارجىلىق وپەراتسيالار جۇرگىزۋدى ۇسىنۋعا وكىلەتتىگى جوق.

ەگەر ءسىز نەمەسە تانىسىڭىز وسىنداي جاعدايدا تاپ بولسا، تەز ارادا اڭگىمەنى/حات جازىسۋدى توقتاتۋى جانە 102 تەلەفونى بويىنشا پوليتسياعا جۇگىنۋى ءتيىس.