الاياقتار اۋىسپالى ءنومىر ارقىلى ەلدىڭ ەسىن اۋىستىرادى – ءى ءى م وكىلى
استانا. KAZINFORM - جىل باسىنان بەرى ەلىمىزدە ينتەرنەت-الاياقتىقتىڭ 5 مىڭعا جۋىق فاكتىسى تىركەلگەن. بۇل - بارلىق الاياقتىق قىلمىستاردىڭ شامامەن 43 پايىزىن قۇرايدى. پوليتسەيلەردىڭ جەدەل ارەكەتى ناتيجەسىندە تۇرعىنداردىڭ 188 ميلليون تەڭگەگە جۋىق اقشاسى قايتارىلعان.
ءى ءى م دەپارتامەنت باستىعى شىڭعىس الەكەشيەۆتىڭ ايتۋىنشا، بانك قىزمەتكەرلەرى نەمەسە بروكەرلەردىڭ اتىنان اۋىسپالى نومىرلەر ارقىلى جاسالاتىن الاياقتىق كەڭ تارالعان.
«ءبىزدىڭ باستامامىز بويىنشا تسيفرلىق دامۋ مينيسترلىگى ۇيالى بايلانىس وپەراتورلارىمەن بىرلەسىپ، اۋىسپالى نومىرلەردەن تۇسەتىن قوڭىراۋلاردى بۇعاتتاۋ شارالارى قابىلداندى. بۇل جوبا ىسكە قوسىلعان ساتتەن باستاپ 45 ميلليون قوڭىراۋعا توسقاۋىل قويىلدى. سونىمەن قاتار، شەتەلدىك نومىرلەردەن جانە WhatsApp ،Telegram سياقتى مەسسەندجەرلەر ارقىلى جاسالاتىن الاياقتىقتار دا تىركەلىپ جاتادى. بيىل ءۇش ايدا بانكتەر مەن قۇقىق قورعاۋ ورگاندارىنىڭ قىزمەتكەرلەرى اتىن جامىلىپ جاسالعان 1278 قىلمىس تىركەلدى»، - دەيدى ول.
بۇدان بولەك، ءارتۇرلى جوبالارعا، بيرجالارعا ءتيىمدى ينۆەستيتسيا سالۋ سىلتاۋىمەن جاسالاتىن الاياقتىق فاكتىلەرى ءجيى كەزدەسەدى.
جالپى، بۇل سالاداعى قىلمىستارعا قارسى ءىس-قيمىل تيىمدىلىگىن ارتتىرۋ ماقساتىندا بىلتىر «كيبەرقىلمىسقا، ونىڭ ىشىندە 2023-2025-جىلدارعا ارنالعان تەلەفون جانە ينتەرنەت-الاياقتىققا قارسى ءىس-قيمىل باعدارلاماسى» ىسكە اسىرىلىپ جاتىر.
«باعدارلاما شەڭبەرىندە ۇيىمداستىرۋشىلىق- پراكتيكالىق ءىس-شارالار وتكىزىلىپ، مۇددەلى مەملەكەتتىك ورگاندارمەن جانە جەكە سەكتورمەن ءوزارا ءىس-قيمىل جولعا قويىلدى. ءبىرىنشى كەزەكتە حالىقپەن كەڭ اۋقىمدى ءتۇسىندىرۋ جۇمىستارى جۇرگىزىلۋدە. جىل باسىنان بەرى 6 مىڭعا جۋىق پروفيلاكتيكالىق ماتەريالدار تاراتىلىپ، قوعامدىق جەرلەردە ءبىر ميلليوننان استام ەسكەرتۋ ماتەريالدارى ورنالاستىرىلدى. سونداي-اق، بيىل ءبىز «قازاق تەلەكوم» ا ق- مەن بىرلەسىپ، شەتەلدىك قىلمىسكەرلەر جاسايتىن تەلەفون الاياقتىقتارىنا قارسى ءىس-قيمىلدىڭ جاڭا تەحنيكالىق ءادىسىن ەنگىزدىك»، - دەيدى شىڭعىس الەكەشيەۆ.
ەندى IP جانە SIP تەلەفونيانى پايدالاناتىن، ەلدەن تىس جەردە ورنالاسقان الاياقتار ق ر ازاماتتارىنىڭ قالالىق ابونەنتتىك نومىرلەرىنە قوڭىراۋ شالىپ، وزدەرىنىڭ قىلمىستىق ماقساتتارىن جۇزەگە اسىرا المايدى. ارنايى جۇيە ولاردىڭ قوڭىراۋلارىن تانىپ، بىردەن بۇعاتتايدى. جىل باسىنان بەرى 2 ميلليوننان استام وسىنداي قوڭىراۋ بۇعاتتالدى. بۇل تەلەفون الاياقتىعىن ازايتىپ قانا قويماي، ونى تولىعىمەن توقتاتۋعا مۇمكىندىك بەردى.
