الاياقتار پاۆلودارلىق قاريانىڭ اتىنا 4 ميلليون تەڭگە نەسيە راسىمدەگەن
پاۆلودار. KAZINFORM - قاسكۇنەمدەر زەينەتكەرگە تەلەفون ارقىلى حابارلاسىپ، وزدەرىن بانك قىزمەتكەرىمىز دەپ تانىستىرعان. ەر ادام ولاردىڭ ايتقانىنا يلانىپ، ءوز اتىنا نەسيە راسىمدەپ جىبەرگەن.
تەلەفون شالعاندار قارياعا ءسىزدىڭ اتىڭىزدان بىرەۋ نەسيە راسىمدەگەلى جاتىر دەپ حابارلاسقان.
نەسيە الىنباس ءۇشىن وزگە ەكى بانككە ءوتىنىم بەرىلۋى كەرەگىن تۇسىندىرگەن.
«زەينەتكەر قاسكۇنەمدەردىڭ سوزىنە سەنىپ، بەرگەن نۇسقاۋلىقتارىنىڭ ءبارىن ورىنداعان. ءسويتىپ ءوز اتىنا ەكى بىردەي بانكتەن جالپى سوماسى 4201198 تەڭگە نەسيە راسىمدەگەن. ءارى ونى كورسەتىلگەن ەسەپشوتقا اۋدارىپ قويا بەرگەن. الاياقتىق فاكتىسى بويىنشا قىلمىستىق ءىس تىركەلدى. كۇدىكتىنىڭ جەكە باسىن انىقتاۋ بويىنشا تەرگەۋ شارالارى جۇرگىزىلىپ جاتىر»، - دەپ مالىمدەدى پاۆلودار وبلىسى پوليتسيا دەپارتامەنتىنىڭ باسپا ءسوز قىزمەتىنەن.
ءتارتىپ ساقشىلارى تۇراقتى ەسكەرتۋلەرگە قاراماستان ەگدە جاستاعى ادامدار الاياقتاردىڭ قۇرىعىنا ءجيى ىلىگەتىنىن ايتادى.
