الماتىنىڭ بىرنەشە اۋدانىندا جول وپىرىلىپ، كولىكتەر شۇڭقىرعا ءتۇستى

تۇرعىنداردىڭ ءبىرى بەينەروليكتە بۇتاقتى شاتقالىنا باراتىن جولدىڭ ءبىر بولىگى شوگىپ، وندا جۇك كولىگى باتىپ قالعانىن كورسەتەدى. اۆتوردىڭ ايتۋىنشا، وسى جاعدايدىڭ سەبەبىنەن كولىك قوزعالىسى توقتاپ، مۇنداپ كەپتەلىس قالىپتاسقان.

اتالعان جاعدايعا «الماتى سۋ» تۇسىنىكتەمە بەردى. مەكەمە جاۋابىنا سايكەس، مۇندا اپاتتىق جاعدايداعى سۋمەن جابدىقتاۋ جەلىلەرىن اۋىستىرۋ جۇمىستارى جۇرگىزىلىپ جاتىر.

- بۇل جۇمىستار مۇزتاۋ شاعىناۋدانىن ورتالىقتاندىرىلعان سۋمەن قامتاماسىز ەتەدى. اۋىستىرىلاتىن جەلىلەردىڭ جالپى ۇزىندىعى - 2,5 ك م. جول توسەمىن قالپىنا كەلتىرۋدى 15-قازانعا دەيىن اياقتاۋ جوسپارلانىپ وتىر، - دەلىنگەن مەكەمە جاۋابىندا.

سونىمەن قاتار «الماتى سۋ» ويىلعان، شۇڭقىر بولعان ۋچاسكەلەرگە ينەرتتى ماتەريالدارمەن قايتا توپىراق سەبۋ جۇمىستارى جۇرگىزىلگەنىن اتاپ ءوتتى.

وسىعان ۇقساس جاعداي الماتىنىڭ باسقا بولىگىندە بولدى. جەلى قولدانۋشى جاريالاعان بەينەجازبادان جەڭىل كولىكتىڭ استىندا اسفالتتىڭ وپىرىلىپ كەتكەنىن كورۋگە بولادى. بەينەروليك اۆتورىنىڭ ايتۋىنشا، 1-شاعىناۋدانىنداعى بۇل جولدا اسفالت جاقىندا عانا توسەلگەن.

ماسەلەگە قاتىستى تاعى دا «الماتى سۋ» مەكەمەسى جاۋاپ قاتتى. رەسمي مالىمەتكە سايكەس، مۇندا «الماتى سۋ» تاپسىرىسى بويىنشا مەردىگەر - «ACM Construction» ج ش س ينجەنەرلىك جەلىلەردى رەكونسترۋكتسيالاۋ جۇمىستارىن جۇرگىزىپ جاتىر.

- بۇل جەلىلەر 60- 70 -جىلدارى پايدالانۋعا بەرىلگەن جانە توزۋ دەڭگەيى وتە جوعارى. رەكونسترۋكتسيالاۋ جۇمىستارى سۋمەن سەنىمدى ءارى ۇزدىكسىز قامتاماسىز ەتۋ، توزعان جەلىلەردى اۋىستىرۋ جانە اۋىزسۋ ساپاسىن ارتتىرۋ ءۇشىن جۇرگىزىلىپ جاتىر. جوبانى اياقتاۋ مەرزىمى – 30-قازان، مۇنىڭ ىشىنە جول توسەمىن قالپىنا كەلتىرۋ دە كىرەدى، - دەپ حابارلادى مەكەمەدەن.

سونداي-اق «الماتى سۋ» وكىلدەرى وتىنىشتە كورسەتىلگەن ەسكەرتۋلەر باقىلاۋعا الىنعانىن جانە دەرەۋ جويىلاتىنىن مالىمدەدى.

پولينا ەسىمدى تاعى ءبىر تۇرعىن الماگۇل شاعىناۋدانىنداعى جاعدايدى الەۋمەتتىك جەلىدە ءبولىستى. وندا جولدىڭ بىرنەشە جەردەن وپىرىلىپ، شۇڭقىر پايدا بولعانىن كورۋگە بولادى. تۇرعىن مۇندا اسفالت توسەلگەنىنە 2 اپتادان اسپاعانىن جازعان.

بۇل بەينەجازباعا تۇسىنىكتەمە بەرگەن «الماتى جىلۋ جەلىلەرى» ج ش س اتالعان ۋچاسكەدە بۇعان دەيىن جىلۋ جەلىلەرىن قازۋعا بايلانىستى اپاتتىق جۇمىستار جۇرگىزىلىپ، ولار اياقتالعان سوڭ اسفالت توسەمى قالپىنا كەلتىرىلگەنىن حابارلادى. كومپانيا جاۋابىنا سايكەس، جاۋىن-شاشىنعا بايلانىستى قالپىنا كەلتىرىلگەن ۋچاسكەدە اسفالت توسەمى شوگىپ كەتكەن.

- قازىرگى ۋاقىتتا ۋچاسكەنى قالپىنا كەلتىرۋ بويىنشا قاجەتتى جۇمىستار جۇرگىزىلىپ جاتىر. اسفالت توسەمىن قالپىنا كەلتىرۋ جۇمىستارىن 12-قازانعا دەيىن اياقتاۋ جوسپارلانىپ وتىر، - دەپ ناقتىلادى «الماتى جىلۋ جەلىلەرى» ج ش س.