الماتىلىق دارىگەرلەر 4-قاباتتان قۇلاعان ايەلدى امان الىپ قالدى

الماتى. KAZINFORM - الماتى قالالىق ورتالىق كلينيكالىق اۋرۋحاناسىنا ءتورتىنشى قاباتتان قۇلاپ، اۋىر جاراقات العان ايەل شۇعىل جەتكىزىلدى.

Алматылық дәрігерлер 4-қабаттан құлаған әйелді аман алып қалды
Фото: Алматы қоғамдық денсаулық сақтау басқармасы

الماتى قوعامدىق دەنساۋلىق ساقتاۋ باسقارماسىنىڭ وكىلدەرىنىڭ ايتۋىنشا، ايەلگە كۇردەلى وتا جاسالدى. ەم ناتيجەسىندە ناۋقاستىڭ جاعدايى جاقسارىپ، اۋرۋحانادان شىعارىلدى.

اۋرۋحاناعا تۇسكەن كەزدە ناۋقاستىڭ ەكىنشى دارەجەلى كوماعا تۇسكەنى، قان قىسىمىنىڭ كۇرت تومەندەگەنى، جاراقاتتىق جانە گەمورراگيالىق شوك العانى انىقتالدى. سونىمەن قاتار جامباس سۇيەكتەرى بىرنەشە جەردەن سىنىپ، كەۋدە تۇسى اۋىر زاقىمدانعان.

العاشقى كەزەڭدە دارىگەرلەر ناۋقاستىڭ ومىرلىك ماڭىزدى اعزا قىزمەتىن قالپىنا كەلتىرۋگە باعىتتالعان شۇعىل شارالار قابىلدادى. جاعدايى تۇراقتانعاننان كەيىن ونى وتاعا دايىندادى.

Алматылық дәрігерлер 4-қабаттан құлаған әйелді аман алып қалды
Фото: Алматы қоғамдық денсаулық сақтау басқармасы

جامباس سۇيەكتەرىن قالپىنا كەلتىرىپ، بەكىتۋ وتاسىن تراۆماتولوگ-ورتوپەدتەر داۋلەت چۋكمانوۆ پەن نۇرجان نۇرالى جاسادى. انەستەزيولوگيالىق كومەكتى اسحات قاسىم ۇلى كورسەتتى. حيرۋرگتەر زاقىمدانعان سۇيەكتەردى ارنايى مەتالل پلاستينالار مەن بۇراندالاردىڭ كومەگىمەن بەكىتتى.

- وتادان كەيىنگى ەكىنشى كۇنى-اق ناۋقاستى بىرتىندەپ قوزعالىسقا كەلتىرۋ جۇمىستارى باستالدى. كەيىنگى ەمدەۋ شارالارىنىڭ ناتيجەسىندە دەنساۋلىعى بىرتىندەپ جاقساردى. اۋرۋحانادا 18 كۇن ەم قابىلداعان ايەل قاناعاتتانارلىق جاعدايدا ۇيىنە شىعارىلدى، - دەلىنگەن حابارلامادا.

الماتى قوعامدىق دەنساۋلىق ساقتاۋ باسقارماسىنىڭ مالىمەتىنشە، ناۋقاستىڭ ءومىرىن ساقتاپ قالۋدا شۇعىل مەديتسينالىق كومەكتىڭ ۋاقىتىلى كورسەتىلۋى، دارىگەرلەردىڭ كاسىبيلىگى مەن مەديتسينا ماماندارىنىڭ ۇيلەسىمدى جۇمىسى شەشۋشى ءرول اتقارعان.

ەسكە سالايىق، الماتىدا دارىگەرلەر 8-قاباتتان قۇلاعان جاس ءوسپىرىمدى امان الىپ قالعان ەدى.