الماتىدا رەسپۋبليكا كۇنىنە وراي قانداي ءىس-شارالار وتەدى
الماتى. KAZINFORM - الماتىدا 25-قازان رەسپۋبليكا كۇنىنە وراي مادەني- بۇقارالىق، سپورتتىق جانە تانىمدىق ءىس-شارالار ۇيىمداستىرىلادى.
مەرەكەلىك باعدارلاما اياسىندا كونتسەرت، مۋزەي جانە كىتاپ كورمەسى، دوڭگەلەك ۇستەل، سپورتتىق جارىس، زياتكەرلىك ويىن، بايقاۋ، تانىمال تۇلعالارمەن كەزدەسۋ، فلەشموب پەن جاستار اكسياسى وتەدى. سونداي-اق «تازا قازاقستان» رەسپۋبليكالىق اكسياسى اياسىندا سەنبىلىك وتكىزۋ جوسپارلانعان.
23-قازاندا رەسپۋبليكا سارايىندا رەسپۋبليكا كۇنىنە ارنالعان مەرەكەلىك كونسەرت وتەدى. سول كۇنى 18:30 دا «الاتاۋ» ءداستۇرلى ونەر تەاترىندا «ەگەمەن ەل - ەڭسەلى ەل» كونسەرتى ۇيىمداستىرىلادى.
25-قازاندا «مەدەۋ» سپورت كەشەنىندە مەملەكەتتىك تۋدى كوتەرۋ ءراسىمى وتەدى.
سول كۇنى ساعات 17:00 دەن 21:30 عا دەيىن اباي الاڭىندا تانىمال ونەرپازداردىڭ قاتىسۋىمەن اشىق اسپان استىندا مەرەكەلىك كونتسەرت وتەدى.
10-25 قازان ارالىعىندا كىتاپ وقۋعا دەگەن قىزىعۋشىلىقتى ارتتىرۋعا باعىتتالعان جالپى قالالىق «وقيتىن ۇلت - وزىق ۇلت» اكتسياسى ءوتىپ جاتىر.
20-25 قازان ارالىعىندا مەملەكەتتىك اكادەميالىق قۋىرشاق تەاترىندا رەسپۋبليكا كۇنىنە وراي IV حالىقارالىق «Almaty Puppet Festival - 2026» قۋىرشاق تەاترلارى فەستيۆالى وتەدى.
22-قازان، ساعات 15:00 قۇرمانعازى اتىنداعى قازاق ۇلتتىق حالىق اسپاپتار وركەسترىندە مەرەكەلىك كونتسەرت.
تۇركسىب اۋدانى
22-قازان، ساعات 15:00 - №6 وقۋشىلار ۇيىندە كونتسەرت.
اۋەزوۆ اۋدانى
22-قازان، ساعات 15:00 - «نارحوز» ۋنيۆەرسيتەتىندە مەرەكەلىك ءىس-شارا.
ناۋرىزباي اۋدانى
22-قازان، ساعات 14:30 وقۋشىلاردىڭ يننوۆاتسيالىق شىعارماشىلىق ورتالىعىندا كونسەرتتىك باعدارلاما.
جەتىسۋ اۋدانى
23-قازان، ساعات 11:00 مادەنيەت ۇيىندە مەرەكەلىك ءىس-شارا (كەمەل شاعىن اۋدانى، ەسىم حان كوشەسى، 127).
مەدەۋاۋدانى
23-قازان، ساعات 12:00 جامبىل اتىنداعى قازاق مەملەكەتتىك فيلارمونياسىندا سالتاناتتى كونسەرت.
بوستاندىق اۋدانى
23-قازان - Satbayev University-دە كونتسەرتتىك باعدارلاما.
الاتاۋ اۋدانى
24-قازان، ساعات 18:00 «الاتاۋ» ءداستۇرلى ونەر تەاترىندا مەرەكەلىك كونتسەرت.
سونىمەن قاتار رەسپۋبليكا كۇنىنە ارنالعان ءىس- شارالار الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا قاراستى الەۋمەتتىك ورتالىقتاردا دا ۇيىمداستىرىلادى. قىزمەت الۋشىلار ءۇشىن كونتسەرتتىك جانە ويىن-ساۋىق باعدارلامالارى ازىرلەنگەن.
