الماتىدا كونە قورعان نەلىكتەن بۇزىلىپ جاتىر - اكىمدىك جاۋابى

ونىڭ ايتۋىنشا، بۇل قورعان ەرتە تەمىر داۋىرىنە - ءبىزدىڭ زامانىمىزعا دەيىنگى VII-V عاسىرلارداعى ساق كەزەڭىنە جاتادى. نىساننىڭ جاسى شامامەن 2500 جىل دەپ باعالانعان. ءۇيىندىنىڭ بيىكتىگى - 6 مەترگە جۋىق، ال ديامەترى - 60 مەتردەي.

قالا اكىمدىگى بوستاندىق اۋدانىنداعى 20-جەلى كوشەسىندە ورنالاسقان بۇل قورعاندى 2015-جىلى الماتى قالاسى مۋزەيلەر بىرلەستىگىنىڭ ماماندارى زەرتتەگەنىن مالىمدەدى. سول جىلى مادەنيەت باسقارماسى بۇل نىساندى جەرگىلىكتى ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنەن شىعارىپ تاستاعان. بۇعان نىساننىڭ كوپ جىلدار بويى بۇزىلىپ، ناشار كۇيگە ءتۇسۋى، سونىڭ ناتيجەسىندە تاريحي-مادەني قۇندىلىعىن جوعالتۋى سەبەپ بولعان.

- قورعان اپاتتى جاعدايدا بولدى: ءۇيىندى تولىعىمەن دەرلىك بۇزىلعان، ال نىساننىڭ ءوزى ۇزاق ۋاقىت بويى انتروپوگەندىك اسەرگە ۇشىراپ كەلگەن. 2024-جىلى «ارحەولوگيالىق زەرتتەۋلەر» ج ش س جۇرگىزگەن تاريحي-مادەني ساراپتاما نىساننىڭ تاريحي-مادەني قۇندىلىعىن جوعالتقانى جانە ونى بۇدان بىلاي تاريح پەن مادەنيەت ەسكەرتكىشى رەتىندە ساقتاۋ مۇمكىن ەمەستىگى تۋرالى قورىتىندىلاردى راستادى، - دەپ حابارلادى اكىمدىكتەن.

قازىرگى ۋاقىتتا بۇل ۋچاسكەدە ەگىزبايەۆ كوشەسى، 9 مەكەنجايىندا ورنالاسقان 2500 ورىندىق جاڭا مەكتەپكە باراتىن جولدىڭ قۇرىلىسى جۇرگىزىلىپ جاتىر. جۇمىستاردى وسى جىلدىڭ تامىز ايىندا اياقتاۋ جوسپارلانعان.

ەسكە سالايىق، بۇعان دەيىن جەتىسۋدا ساق ءداۋىرىنىڭ قورعاندارى زاڭسىز قازىلىپ، بۇلىنگەنىن جازعانبىز.