الماتىدا جاپپاي ۋلانىپ، اۋرۋحاناعا تۇسكەن وقۋشىلاردىڭ سانى 55 كە جەتتى
الماتى. KAZINFORM - رەسپۋبليكالىق فيزيكا-ماتەماتيكا مەكتەبىنىڭ تاعى ءتورت وقۋشىسى الماتىداعى ينفەكسيالىق اۋرۋحاناعا جاتقىزىلدى.
12-15-قازان ارالىعىندا رەسپۋبليكالىق فيزيكا-ماتەماتيكا مەكتەبىنىڭ 55 وقۋشىسى ءجىتى ىشەك ينفەكسياسىنىڭ بەلگىلەرىمەن بالالار قالالىق كلينيكالىق ينفەكسيالىق اۋرۋحاناسىنا جاتقىزىلعان.
- بارلىق بالاعا قاجەتتى مەديتسينالىق كومەك تولىق كولەمدە كورسەتىلىپ جاتىر. ولاردى ەمدەۋگە بارلىق جاعداي جاسالدى. ناۋقاستار مەديتسينا ماماندارىنىڭ تۇراقتى باقىلاۋىندا. قازىرگى ۋاقىتتا اۋرۋحاناعا جاتقىزىلعان بالالاردىڭ جاعدايى تۇراقتى. جانساقتاۋ شارالارىن قاجەت ەتەتىن جاعدايلار تىركەلگەن جوق، - دەپ حابارلادى قالالىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ەسكە سالايىق، 14-قازاندا ر ف م م- ءنىڭ 48 وقۋشىسى ءجىتى ىشەك ينفەكسياسىنىڭ بەلگىلەرىمەن اۋرۋحاناعا جاتقىزىلعانى حابارلاندى.
كەيىن ر ف م م اكىمشىلىگى وقۋشىلاردىڭ اۋرۋحاناعا تۇسۋىنە بايلانىستى تۇسىنىك بەردى. 14-16-قازان ارالىعىندا مەكتەپ ساباقتارى ونلاين فورماتتا وتەدى.
سونداي-اق اتالعان دەرەك بويىنشا بوستاندىق اۋداندىق پوليتسيا باسقارماسى جانىنداعى پوليتسيا بولىمىندە قىلمىستىق ءىس قوزعالدى.
