الماتىدا بۇرىنعى ايەلىن اڭدىعان ازامات جاۋاپقا تارتىلدى
الماتى. KAZINFORM - ەلىمىزدە ستالكينگكە قارسى جاۋاپكەرشىلىك كۇشەيتىلدى.
الماتى قالاسى پوليتسيا دەپارتامەنتىنىڭ مالىمەتىنشە، قالا تۇرعىنى بۇرىنعى جۇبايى تاراپىنان ۇزدىكسىز قۋدالاۋ فاكتىسى بويىنشا ءتارتىپ ساقشىلارىنا جۇگىنگەن.
اتالعان ءوتىنىش قىلمىستىق ءىس قوزعالىپ، تەرگەۋ بارىسىندا قۇقىققا قايشى ارەكەتتەردى دالەلدەيتىن ايعاقتار تولىق جينالعان. سونىڭ نەگىزىندە كۇدىكتى ازامات ۇستالىپ، ۋاقىتشا ۇستاۋ يزولياتورىنا قامالدى. ءىس ماتەريالدارى سوتقا جولداندى.
- سوت شەشىمىمەن ەر ادامعا 100 ساعات قوعامدىق جۇمىسقا تارتۋ تۇرىندەگى جازا تاعايىندالىپ، وعان قاتىستى پروباتسيالىق باقىلاۋ بەلگىلەندى، - دەپ حابارلادى دەپارتامەنتتەن.
ەسكە سالايىق، بىلتىر ستالكينگكە قارسى زاڭ قابىلداندى. ول بويىنشا ادامنىڭ جەكە شەكاراسىن بۇزىپ، ەركىنەن تىس ونىڭ ىزىنە ءتۇسىپ، قايتا-قايتا تەلەفون سوعىپ قورقىنىش سەزىمىن ۇيالاتقاندار قىلمىستىق جاۋاپكەرشىلىككە تارتىلادى.
