الماتى پوليتسياسى بلوگەر نازار روللانعا نەگە ىزدەۋ جاريالادى
الماتى. KAZINFORM - الماتى پوليتسياسى داۋلى بەينەجازبالارى ارقىلى تانىلعان 28 جاستاعى بلوگەر نازار روللانعا ىزدەۋ جاريالانۋىنا قاتىستى تۇسىنىك بەردى.
الماتى پوليتسيا دەپارتامەنتىنىڭ مالىمەتىنشە، قازىر «بۇزاقىلىق» دەرەگى بويىنشا قىلمىستىق ءىس تەرگەلىپ جاتىر.
- بۇعان دەيىن نازار روللانعا قاتىستى ەلدەن كەتپەۋ جانە ءتيىستى ءتارتىپتى ساقتاۋ تۋرالى قولحات تۇرىندەگى بۇلتارتپاۋ شاراسى تاڭدالعان. الايدا ول سوتقا دەيىنگى تەرگەپ-تەكسەرۋ ورگانىنا كەلمەگەن. تەرگەۋ ارەكەتتەرىنە قاتىسۋىن قامتاماسىز ەتۋ ءۇشىن وعان ىزدەۋ جاريالاندى، - دەپ حابارلادى الماتى پوليتسيا دەپارتامەنتىنىڭ باسپا ءسوز قىزمەتى.
قازىر ونىڭ جۇرگەن جەرىن انىقتاۋعا باعىتتالعان ءتيىستى جەدەل-ىزدەستىرۋ شارالارى جۇرگىزىلىپ جاتىر.
بۇعان دەيىن 28 جاستاعى بلوگەر نازار روللانعا ىزدەۋ جاريالانعانى بەلگىلى بولدى. ول بۇعان دەيىن جول قوزعالىسى ەرەجەلەرىن بۇزعانى ءۇشىن قۇقىق قورعاۋ ورگاندارىنىڭ نازارىنا بىرنەشە رەت ىلىككەن.
نازار روللان الەۋمەتتىك جەلىلەردە جول ەرەجەسىن بۇزعان بەينەجازبالارى ارقىلى كەڭىنەن تانىلدى. اتاپ ايتقاندا، 2018-جىلى الماتىداعى ءال-فارابي داڭعىلىندا قارسى باعىتتاعى جولاقتا كولىك جۇرگىزىپ ۆيدەو ءتۇسىردى.
2019-جىلى بلوگەر تاعى دا اكىمشىلىك جاۋاپكەرشىلىككە تارتىلدى. سول كەزدە Porsche اۆتوكولىگىن باسقارعان نازار روللاندى پوليتسيا قىزمەتكەرلەرى دوستىق كوشەسى مەن اباي داڭعىلىنىڭ قيىلىسىندا توقتاتقان. وعان «كولىكتى الكوگولدىك ماس كۇيدە باسقارعانى» ءۇشىن اكىمشىلىك جازا تاعايىندالىپ، 20 تاۋلىككە اكىمشىلىك قاماققا الىنعانى حابارلانعان ەدى.
