الماتى ۆوكزالىندا جولاۋشىلاردىڭ مازاسىن العان ساۋداگەرلەر جازالاندى

كولىكتەگى پوليتسيا دەپارتامەنتىنىڭ مالىمەتىنشە، تەمىرجول ۆوكزالىنىڭ اۋماعىندا 48 جانە 52 جاستاعى ەكى تۇرعىن كۇتۋ زالىندا جولاۋشىلارعا ساقتاۋ كامەراسى قىزمەتىن پايدالانۋدى ۇسىنىپ، ادامداردىڭ مازاسىن العان. سونداي-اق تەكسەرۋ بارىسىندا اتالعان ازاماتتاردىڭ ءتيىستى تىركەۋسىز جانە رۇقسات قۇجاتتارىنسىز كاسىپكەرلىك قىزمەتپەن اينالىسقانى انىقتالدى.

- جاسالعان قۇقىق بۇزۋشىلىقتار ءۇشىن ولار بىردەن ەكى باپ بويىنشا، ياعني قوعامدىق ورىنداردا ازاماتتارعا ءتيىسۋ جانە زاڭسىز كاسىپكەرلىك ءۇشىن اكىمشىلىك جاۋاپكەرشىلىككە تارتىلىپ، 10 ا ە ك مولشەرىندە ايىپپۇل سالىندى. سونىمەن قاتار، زاڭسىز كاسىپكەرلىك فاكتىسى بويىنشا ماتەريال پروتسەسسۋالدىق شەشىم قابىلداۋ ءۇشىن سوتقا جولداندى، - دەپ حابارلادى دەپارتامەنتتەن.

ەسكە سالايىق، 2026 -جىلدىڭ باسىنان بەرى كولىكتەگى پوليتسەيلەرى 34 مىڭعا جۋىق اكىمشىلىك قۇقىق بۇزۋشىلىق انىقتالعان. ونىڭ ىشىندە 2678 - قوعامدىق ورىنداردا ءتيىسۋ فاكتىسى، 2405 - الكوگولدىك ىشىمدىكتەردى ءىشۋ نەمەسە قوعامدىق ورىندارعا ماس كۇيدە كەلۋ، 1201 - ورتاق پايدالانىلاتىن ورىنداردى لاستاۋ جانە 20 - ءتيىستى تىركەۋسىز كاسىپكەرلىك قىزمەتپەن اينالىسۋ دەرەكتەرى تىركەلگەن.