الماتى تاۋلارىندا قارۋ مەن وق-ءدارى تابىلدى
الماتى. KAZINFORM - الماتى تاۋلارىندا قاراۋسىز قالعان قارۋ تابىلدى.
قالالىق پوليتسيا دەپارتامەنتى مەدەۋ اۋدانىنداعى ساياجاي القابىنان قارۋ-جاراق تابىلعانىن حابارلادى.
تەكسەرۋ بارىسىندا پوليتسەيلەر يج ماركالى تەگىس ۇڭعىلى مىلتىقتى، تاپانشاعا ۇقساس زاتتى جانە 16-كاليبرلى التى وق-ءدارىنى انىقتاعان.
- قازىر تاركىلەنگەن زاتتار سوت-بالليستيكالىق ساراپتاماعا جىبەرىلدى. ماماندار قارۋدىڭ قايدان شىققانىن، كىمگە تيەسىلى ەكەنىن جانە قانداي ءدا بىر قىلمىسقا قاتىسى بار-جوعىن انىقتايدى. پوليتسيا ازاماتتاردى قارۋ نەمەسە وق-ءدارى تاۋىپ العان جاعدايدا ولارعا قول تيگىزبەي، دەرەۋ «102» نومىرىنە حابارلاۋعا شاقىرادى، - دەپ مالىمدەدى دەپارتامەنتتەن.
ەسكە سالايىق، بۇعان دەيىن الماتى وبلىسىندا توپ بولىپ ەر ادامعا شابۋىل جاساپ، كولىگىنە وق اتقاندار ۇستالدى.
