الماتى ماڭىندا تۋريستەر ءىلبىستى كەزدەستىردى
الماتى. KAZINFORM - الماتى تاۋلارىندا سەرۋەندەپ جۇرگەن تۋريستەر كۇتپەگەن جەردەن قار بارىسىمەن كەزدەسىپ قالدى. بارىستىڭ ۆيدەوسى جەلىدە جاريالاندى.
تۋريستەردىڭ ءبىرىنىڭ ايتۋىنشا، سەرۋەندەپ جۇرگەندە، ولاردىڭ سوڭىنان يت ەرىپ ءجۇردى. يت مەزگىل-مەزگىل ۇرەدى، ءبىراق تۋريستەر العاشىندا ونى ەلەمەگەن. كەنەتتەن سوقپاق جولدا قار بارىسى پايدا بولدى. جىرتقىشتى كورگەن تۋريستەر ودان اۋلاق بولۋعا تىرىستى.
- ءبىراز ۋاقىتتان كەيىن جىگىت باسقا جاقتان كەلدى. بارىس بەتكەيگە كوتەرىلىپ كەتتى. يت ونى قايتادان بايقاپ، ۇرە باستاعاندا، جىگىتتەر ونى كوتەرىپ، تومەن قاراي جەتەلەدى، - دەدى ۆيكتوريا.
سوزىنشە، جاقىن جەردە بارىستىڭ ولجاسى بولۋى مۇمكىن. سوندىقتان ولار جىرتقىشقا جاقىنداماۋعا نەمەسە ونى اشۋلاندىرماۋعا تىرىستى.
- ءبىز ءۇشىن بۇل جابايى جانۋارمەن كەزدەيسوق كەزدەسۋ بولدى، ونى ءبىز مىندەتتى تۇردە ەسىمىزدە ساقتايمىز. ءبىز بارىستىڭ قانشالىقتى سيرەك كەزدەسەتىنىن جانە قۇندى ەكەنىن تۇسىنەمىز، سوندىقتان ناقتى ورنالاسقان جەرىن ادەيى ايتپايمىز، - دەپ جازدى ول.
بارىس - ورتالىق ازيا تاۋلارىندا مەكەندەيتىن سيرەك كەزدەسەتىن جىرتقىش. ول قازاقستاننىڭ قىزىل كىتابىنا ەنگىزىلگەن جانە ونى مەملەكەت قورعايدى.
