22:12, 07 - ناۋرىز 2024 | GMT +6
الاتاۋ بوكتەرىندە بايشەشەك گۇلدەدى
استانا. KAZINFORM - قازاقستاندىق فوتوگراف دميتري دوتسەنكو الماتىدا تاۋ بوكتەرىندەگى بايشەشەكتەردىڭ گۇل جارعان ءساتىن ءتۇسىردى.
«جىل سايىن الاتاۋ شافرانىن سۋرەتكە تۇسىرەمىن جانە ءاردايىم ءارتۇرلى شىعادى. بۇل جولى قار مەن مۇز اراسىنان گۇلدەگەن بايشەشەكتەردى ءتۇسىردىم. نازىك گۇلدىڭ جىلۋ مەن كۇنگە قالاي جول تاباتىنى تاڭقالارلىق»، - دەپ ءبولىستى دميتري دوتسەنكو Instagram پاراقشاسىندا.
الاتاۋلىق شافران (Crocus alatavicus) گۇلى « قىزىل كىتاپقا» ەنگىزىلگەن، سوندىقتان ونى جۇلۋعا نەمەسە تاپتاۋعا بولمايدى.
قازاقستاندا كروكۋس اقسۋ-جاباعىلى جانە الماتى قورىقتارىندا، بەرىكقارا جانە قاراقوڭىز بوتانيكالىق قورىقتارىندا، ىلە-الاتاۋ جانە التىن-ەمل ۇلتتىق تابيعي پاركتەرىندە قورعاۋعا الىنعان.
