Alan Parking ديرەكتورى ەكى ايعا قاماۋعا الىندى

الماتى. قازاقپارات - «Alan Parking» ج ش س - ءنىڭ ديرەكتورى مۇحتار بازاربايەۆ ەكى ايعا قاماۋعا الىندى.
None
None

بۇل تۋرالى الماتى سوتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

«ءتيىستى قاۋلىسىمەن سوتقا دەيىنگى تەرگەۋ ورگانىنىڭ ءوتىنىشى قاناعاتتاندىرىلدى. كۇدىكتىگە 2 اي مەرزىمىنە قاماۋدا ۇستاۋ بۇلتارتپاۋ شاراسى سانكسيالاندى»، - دەپ حابارلادى الماتى سوتىنىڭ باسپا ءسوز قىزمەتى.

بۇعان دەيىن، قايرات بورانبايەۆ ۇستالعان بولاتىن. قارجىلىق مونيتورينگ اگەنتتىگى كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسى بويىنشا قىلمىستىق ءىستى تەرگەپ جاتىر.

كۇدىككە ىلىنگەن ق. س. بورانبايەۆ ۋاقىتشا ۇستاۋ يزولياتورىنا قامالدى.

ايتا كەتەيىك، 2016-جىلى الماتىدا اۆتوماتتاندىرىلعان اقىلى كولىك قوياتىن تۇراق جۇيەسى ىسكە قوسىلدى.

اتالعان قىزمەتتىڭ ەكى ءتۇرى بار. كولىكتى كوشە بويىنا قويۋ جانە تۇراق الاڭدارى. بارلىعى ءبىر وپەراتورعا تيەسىلى. ول - Alan Parking ج ش س.

وعان 12 مىڭ تۇراق قارايدى. اۆتوتۇراقتىڭ باسىم بولىگى - ورتالىق كوشەلەردە ورنالاسقان. اقىلى تۇراق باعاسى ساعاتىنا 100 تەڭگە تۇرادى. ءۇش ءتۇرلى تولەم جۇيەسى ارقىلى ەسەپتەسۋگە بولادى. ول پاركومات، كيۆي-ءاميان جانە س م س جولداۋ ارقىلى.

سوڭعى جاڭالىقتار