الاكول مەن بالقاش باعىتىنداعى ماۋسىمدىق رەيستەر سانى ارتادى

استانا. KAZINFORM - الاكول مەن بالقاش باعىتىنداعى ماۋسىمدىق رەيستەردى ۇلعايتۋ ماسەلەسى پىسىقتالىپ جاتىر. بۇل تۋرالى تۋريزم جانە سپورت مينيسترلىگى و ك ق الاڭىندا وتكەن باسپا ءسوز كونفەرەنتسياسىندا ءمالىم ەتتى.

Самолет FlyArystan ФлайАрыстан пилот ұшақ ұшқыш
Фото: Максат Шагырбаев/ Kazinform

ينفراقۇرىلىمدى دامىتۋ - تۋريستىك ماۋسىمعا دايىندىقتىڭ ءبىرىنشى كەزەڭى. وتكەن جىلدىڭ قورىتىندىسى بويىنشا ماڭعىستاۋ وبلىسىنىڭ «جىلى جاعاجايىنا» ينفراقۇرىلىم تارتۋ بويىنشا ءبىرقاتار جوبا اياقتالدى، الماتى اۋەجايىنىڭ جاڭا تەرمينالى اشىلدى. الداعى ۋاقىتتا شىمكەنت پەن قىزىلوردادا 2 جاڭا اۋەجاي تەرمينالى اشىلماق.

«جازعى ماۋسىم قارساڭىندا قازاقستاننىڭ كۋرورتتىق ايماقتارىنا اپاراتىن ماۋسىمدىق رەيستەردىڭ جيىلىگى مەن سانىن ارتتىرۋ ماسەلەسى پىسىقتالىپ جاتىر. وتكەن جىلدارى ولاردىڭ سانى الاكول كولىندە دەمالعىسى كەلەتىندەردىڭ اعىنىن قامتىماعانى بەلگىلى. ازاماتتىق اۆياتسيا كوميتەتىنىڭ اقپاراتى بويىنشا، بيىل كونكۋرستاردىڭ قورىتىندىسى بويىنشا 22 سۋبسيديالاناتىن اۆيارەيستى جۇزەگە اسىرۋ جوسپارلانىپ وتىر، ونىڭ ىشىندە ءۇرجار — الماتى — ءۇرجار، الماتى — ءۇشارال — الماتى باعىتتارى بويىنشا. سونىمەن قاتار، استانا — ءۇرجار — استانا، الماتى — ءۇرجار — الماتى، الماتى — بالقاش — الماتى استانا — بالقاش — استانا باعىتتارى بويىنشا كوممەرتسيالىق اۆيارەيستەر جوسپارلانۋدا»، - دەدى ق ر تۋريزم جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى نۇرتاس كارىپبايەۆ و ك ق الاڭىندا وتكەن باسپا ءسوز كونفەرەنسياسىندا.

سوڭعى جاڭالىقتار