08:48, 30 - قاڭتار 2025 | GMT +5
الاكول اۋدانىنىڭ تۇرعىندارى جول بويىندا قار بارىسىن كەزدەستىرگەن
تالدىقورعان. KAZINFORM - جەتىسۋ وبلىسىندا اۋىل تۇرعىنى جولدىڭ ۇستىنە شىعىپ كەتكەن قار بارىسىنىڭ كۇشىگىن ۆيدەوعا ءتۇسىرىپ العان.

ءۇشبۇلاق اۋىلىنىڭ تۇرعىنى باۋىرجان ەسىمدى ازامات كۇندىز اۋىلىنا كولىكپەن كەلە جاتىپ، جول بويىنان ءتۇز تاعىسىن كەزدەستىرگەن. كولىك ىشىندە وتىرىپ الاندى ۆيدەوعا ءتۇسىرىپ العان ازامات ادام كوزىنە سيرەك تۇسەتىن اڭنىڭ الدىنان شىققانىن جاقسىلىققا جورىعانىن ايتتى.
- دوسىم ەكەۋمىز اۋدان ورتالىعى ءۇشارال قالاسىنان كەلە جاتقانبىز. كوكتۇما- ءۇشبۇلاق جولىندا قىزىلتال دەگەن جەردە الدىمىزدان قار بارىسىنىڭ كۇشىگى شىقتى. بارىستى جول بويىنان شىعىپ كەتكەنشە ۆيدەوعا ءتۇسىرىپ الدىق، - دەدى باۋىرجان تورەحانوۆ.
ەسكە سالايىق وسىعان دەيىن شىعىس قازاقستاندا قار بارىسىنىڭ فوتوتۇزاققا ءتۇسىپ قالعانىن جازعانبىز.