الاش قايراتكەرلەرى فرانسيانىڭ ساياسي تاجىريبەسىن زەرتتەگەن - قاسىم-جومارت توقايەۆ

Kazakh, French leaders had talks in Akorda
Photo: Akorda

 مەملەكەت باسشىسى قاسىم-جومارت توقايەۆ فرانسيا پرەزيدەنتى ەممانيۋەل ماكرونمەن اقورداداعى كەزدەسۋىنەن كەيىنگى بىرلەسكەن مالىمدەمەدە ەكىجاقتى مادەني-گۋمانيتارلىق بايلانىستىڭ قاي باعىتتاردا داميتىنىن ايتتى، دەپ حابارلايدى Kazinform اگەنتتىگى. 

«تاريحىمىزدا ەكى ەلگە ورتاق دەرەكتەر از ەمەس. حالقىمىزدىڭ ءبىرتۋار پەرزەنتى اباي فرانسۋزدىڭ اتاقتى اقىنى جان دە لافونتەننىڭ مىسالدارىن قازاق تىلىندە اۋدارعان. الاش قايراتكەرلەرىنىڭ كوبى فرانسۋز ءتىلىن جەتىك مەڭگەرىپ، فرانسۋز ەلىنىڭ جوعارى مادەنيەتى مەن ساياسي تاجىريبەسىن زەرتتەگەن. قازاقتىڭ بەلگىلى ءانشىسى امىرە پاريج ساحناسىندا ءان شىرقاپ، تالايدى تامساندىرعان. كۇش اتاسى قاجىمۇقان فرانسيانىڭ استاناسىندا ونەر كورسەتىپ، كورەرمەندى تاڭعالدىرعانى بارشاعا بەلگىلى»، - دەدى مەملەكەت باسشىسى.

سونداي-اق، پرەزيدەنت بۇگىنگى كەزدەسۋ كەزىندە ءبىلىم جانە عىلىم سالاسىنداعى جوبالاردى قولعا الۋعا ەرەكشە كوڭىل بولىنگەنىن اتاپ ءوتتى.

«وسى ورايدا ەلىمىزدە فرانسۋز مەكتەپتەرىن اشۋعا، فرانسۋز ءتىلىن ۇيرەتۋگە، اكادەميالىق بايلانىستى ارتتىرۋعا باعىتتالعان ءبىرقاتار كەلىسىمگە قول قويىلدى. ءبىز مۇنى جوعارى باعالايمىز»، - دەدى قاسىم-جومارت توقايەۆ.

ەسكە سالايىق، فرانسيا پرەزيدەنتى مەملەكەت باسشىسى قاسىم-جومارت توقايەۆتىڭ شاقىرۋىمەن قازاقستانعا كەلدى.

ساپار اياسىندا ەكى ەل باسشىلارى ساۋدا-ەكونوميكالىق، ينۆەستيتسيالىق جانە ەنەرگەتيكالىق ىنتىماقتاستىقتى نىعايتۋ، سونداي-اق حالىقارالىق جانە وڭىرلىك كۇن تارتىبىندەگى ماسەلەلەردى تالقىلايدى دەپ جوسپارلانعان.

ايتا كەتۋ كەرەك، قازاقستان پرەزيدەنتى قاسىم- جومارت توقايەۆتىڭ فرانسياعا بىلتىر جاساعان رەسمي ساپارى اياسىندا 35 قۇجاتقا قول قويىلعان بولاتىن.

اۆتور

ەسىمجان ناقتىباي

سوڭعى جاڭالىقتار