الداعى كۇندەرى ەلدىڭ بىرنەشە وڭىرىندە قىس قاھارىنا مىنەدى

استانا. قازاقپارات - 19-21-قاراشا ارالىعىندا قازاقستاننىڭ باسىم بولىگىندە جاڭبىر مەن قار جاۋىپ، سولتۇستىك وڭىرلەردە كوكتايعاق كۇتىلەدى. سينوپتيكتەر جەلدىڭ كۇشەيۋى مەن تۇمان تۋرالى ەسكەرتتى.

اۋا رايى
Фото: Kazinform\ЖИ

ال شىعىس ايماقتاردا جاۋىن-شاشىنسىز اۋا رايى باسىم بولادى.

«قازگيدرومەت» سينوپتيكتەرىنىڭ بولجامىنشا، الداعى كۇندەرى قازاقستان اۋماعىنىڭ باسىم بولىگىنە سولتۇستىك-باتىس سيكلونىنىڭ تەرەڭ جىراسى اسەر ەتەدى. الدىمەن ونىڭ ىقپالى باتىس وڭىرلەردە بايقالىپ، كەيىن تۇراقسىز اۋا رايى سولتۇستىك-باتىس پەن ەلدىڭ سولتۇستىك ايماقتارىنا تارالادى. تەك رەسپۋبليكانىڭ شىعىسىندا جاۋىن-شاشىنسىز اۋا رايى باسىم بولادى.

ەلدىڭ باسىم بولىگىندە جاڭبىر مەن قار تۇرىندە جاۋىن-شاشىن كۇتىلەدى، ال سولتۇستىك وڭىرلەردە كوكتايعاق قۇبىلىستارى بولجانادى. رەسپۋبليكا بويىنشا جەل كۇشەيەدى، تۇنگى جانە تاڭعى ساعاتتاردا كەي جەرلەردە تۇمان بايقالادى.

ەلدىڭ باتىسىندا اۋا تەمپەراتۋراسى تۇندە 2+5+ گرادۋستان 1+10+ گرادۋسقا دەيىن، كۇندىز 2+10+ گرادۋستان 5+10+ گرادۋسقا دەيىن جوعارىلايدى.

سولتۇستىك-باتىس، سولتۇستىك، ورتالىق جانە شىعىس وڭىرلەردە تۇنگى ۋاقىتتا اۋا تەمپەراتۋراسى 3-13-گرادۋس ارالىعىنداعى تەرىس ماندەردە ساقتالادى. كۇندىز اۋا تەمپەراتۋراسى 0+5 گرادۋستان 5+10+ گرادۋسقا دەيىن جوعارىلايدى.

ەلدىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسىنىڭ كۇرت وزگەرۋى كۇتىلمەيدى.

ەسكە سالا كەتەيىك، وسى كۇندەرى الدىمەن ەلىمىزدىڭ باتىسىندا، كەيىن سولتۇستىك-باتىسى مەن سولتۇستىگىندە جاڭبىر جانە قار تۇرىندە جاۋىن-شاشىن جاۋاتىنى بولجانعان ەدى. كوكتايعاق قۇبىلىستارى كۇتىلەدى. رەسپۋبليكا بويىنشا جەل كۇشەيەدى. سولتۇستىك وڭىرلەردە جانە وڭتۇستىك وبلىستاردىڭ تاۋلى اۋداندارىندا تۇنگى جانە تاڭەرتەڭگى ساعاتتاردا تۇمان كۇتىلەدى.