الدا كۇن سۋىتادى

اتموسفەرالىق فرونتتار اسەرىنەن قازاقستاننىڭ باسىم بولىگىندە اۋا رايى قۇبىلمالى بولادى. جاڭبىر جاۋىپ، نايزاعاي وينايدى، جەل كۇشەيەدى. ەلىمىزدىڭ بارلىق دەرلىك وڭىرىندە اۋا تەمپەراتۋراسى ايتارلىقتاي تومەندەيدى.

تۇنگى، تاڭەرتەڭگى ۋاقىتتا كەيبىر جەرلەردە تۇمان تۇسەدى. سولتۇستىك وڭىرلەردە 25-26-قىركۇيەكتە 1-2 گرادۋسقا دەيىن ۇسىك جۇرەدى.

كۇندىز ەلىمىزدىڭ باتىسىندا اۋا تەمپەراتۋراسى 20+28+ گرادۋسقا دەيىن، سولتۇستىك-باتىس پەن سولتۇستىكتە 10+17+ گرادۋسقا دەيىن، وڭتۇستىك جانە وڭتۇستىك-شىعىس وڭىرلەردە 20+25+ گرادۋسقا دەيىن تومەندەيدى. تاۋلى جەرلەردە اۋا تەمپەراتۋراسى 10+15+ گرادۋس ارالىعىندا بولادى. ەلىمىزدىڭ ورتالىعى مەن شىعىسىندا ايتارلىقتاي وزگەرىس بولمايدى.