Al Jazeera - پرەزيدەنت تەلەراديوكەشەنىنىڭ جاڭا سەرىكتەسى
دوحا. KAZINFORM - بۇگىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قاتارعا مەملەكەتتىك ساپا اياسىندا پرەزيدەنت تەلەراديوكەشەنى قاتار مەديا سالاسىنىڭ كوشباسشىلارىمەن ىنتىماقتاستىق تۋرالى مەموراندۋمدارعا قول قويدى.
Al Jazeera جانە «Qatar News Agency» اقپارات اگەنتتىگى پرەزيدەنت تەلەراديوكەشەنىنىڭ سەرىكتەستەرى بولدى.
ارابتىڭ مەديا كەڭىستىگىندە تانىمال كوشباسشى جانە الەمدىك بەدەلدى ب ا ق-تىڭ ءبىرى «Al Jazeera» حالىقارالىق تەلەارناسىمەن جانە «Qatar News Agency» اگەنتتىگىمەن ىنتىماقتاستىق كاسىبي تاجىريبە الماسۋعا جانە جاھاندىق اقپارات كەڭىستىگىندە قازاقستان تۋرالى اقپارات كولەمىنىڭ وسۋىنە ىقپال ەتەدى.
ت ر ك- نىڭ كاتارلىق ارىپتەستەرىمەن بىرلەسكەن جوبالارى وقىرماندار مەن تەلەكورەرمەندەرگە ءبىزدىڭ ەلدەرىمىز تۋرالى كوبىرەك بىلۋگە مۇمكىندىك بەرەتىن، سونداي-اق تىلشىلەردى قازاقستان مەديا سالاسىنىڭ بەتالىستارى مەن ترەندتەرىنە سايكەس دايىنداۋدى قامتاماسىز ەتەتىن ءبىلىم بەرۋ جانە اقپاراتتىق سالالارعا باعىتتالعان.
پرەزيدەنت ت ر ك ديرەكتورى راۋشان قاجىبايەۆانىڭ ايتۋىنشا، «تاراپتار ءبىرقاتار بىرلەسكەن جوبالاردى، سونىڭ ىشىندە «Al Jazeera-مەن اپتالىق» وتكىزۋدى جوسپارلاعان، ونىڭ اياسىندا استانا قالاسىنداعى Maqsut Narikbayev University حالىقارالىق جۋرناليستيكا مەكتەبىنىڭ 100 دەن استام ستۋدەنتى ءۇشىن ءبىر اپتالىق ترەنينگ وتەدى.
2024 -جىلعى 14-اقپاندا ق ر پرەزيدەنتىنىڭ تەلەراديوكەشەنىنىڭ دەلەگاتسياسىنىڭ Al Jazeera Media Network اتقارۋشى ديرەكتورى رامزان النويمي مەن Al Jazeera Media Institute ديرەكتورىنىڭ ورىنباسارى مونتاسەر مارايمەن كەزدەسۋى ءوتتى. «Al Jazeera-مەن اپتالىق» جوباسى Al Jazeera Media Institute جەلىسى ارقىلى ۇيلەستىرىلەدى.
مەموراندۋمدارعا قول قويۋ ەكى ەل اراسىنداعى ىنتىماقتاستىق رۋحىنا سايكەس كەلەتىن كەڭ اۋقىمدى ەكىجاقتى ءوزارا ءىس-قيمىلعا جول اشىپ، قازاقستان مەن قاتار ب ا ق اراسىنداعى كاسىبي ديالوگتى نىعايتۋعا كومەكتەسەدى.
ق ر پرەزيدەنتىنىڭ تەلەراديوكەشەنى - قازاقستانداعى ەڭ ءىرى مەديا-كومپانيالاردىڭ ءبىرى.
ونىڭ قۇرامىنا: Jibek Joly ،Silk Way ،Silk Way Cinema تەلەارنالارى، قازاقستانداعى ەڭ كونە حالىقارالىق اقپارات اگەنتتىگى «Kazinform» جانە دەرەكتى كينو ورتالىعى كىرەدى.
«Al Jazeera» حالىقارالىق تەلەكومپانياسى - 1996-جىلى قاتار ءامىرىنىڭ بۇيرىعىمەن قۇرىلعان. تەلەكومپانيا الەمنىڭ كوپتەگەن ەلدەرىندە اراب جانە اعىلشىن تىلدەرىندە حابار تاراتادى، ونىڭ 50 دەن استام شەتەلدىك بيۋروسى بار. دەرەكتى كونتەنت Al Jazeera Documentary تەلەارناسىنان كورسەتىلەدى.
Qatar News Agency بولسا 1975-جىلى قۇرىلعان مەملەكەتتىك اقپارات اگەنتتىگى. اگەنتتىك ماتەريالدارى اراب، اعىلشىن، يسپان، نەمىس جانە فرانسۋز تىلدەرىندە قولجەتىمدى.
اۆتور
باقىتگۇل اباي قىزى
