پاۆەل دۋروۆ ون جىلعا باس بوستاندىعىنان ايىرىلۋى مۇمكىن

استانا. قازاقپارات - Telegram سەرۆيسىنىڭ نەگىزىن قالاۋشى پاۆەل دۋروۆ بىرنەشە قۇقىقبۇزۋشىلىق جاساعانى ءۇشىن، سونىڭ ىشىندە ۇيىمداسقان توپتىڭ زاڭسىز ترانزاكسيالارىن جاساۋعا مۇمكىندىك بەرەتىن ونلاين پلاتفورمانى باسقارعانى ءۇشىن ون جىلعا باس بوستاندىعىنان ايىرىلۋى مۇمكىن.

سارسەنبى كۇنى پاۆەل دۋروۆقا ۇيىمداسقان توپتىڭ زاڭسىز ترانزاكتسيا جۇزەگە اسىرۋ ماقساتىندا Telegram دى اكىمشىلىندەرۋگە قاتىسى بار دەگەن ايىپ تاعىلدى. وعان بارلىعى التى قىلمىس بويىنشا ايىپ تاعىلىپ وتىر. ايىپتار جيىنتىعى بويىنشا كاسىپكەر 10 جىلعا دەيىن باس بوستاندىعىنان ايىرىلۋى مۇمكىن.

پ. دۋروۆ سوتتىڭ قاداعالاۋىمەن بوساتىلدى. دەگەنمەن، وعان فرانسيا اۋماعىنان شىعۋعا تىيىم سالىنىپ، كەپىل رەتىندە 5 ميلليون ەۋرو تولەۋى كەرەك.

پاريج سوتى ونى اپتاسىنا ەكى رەت پوليتسيا بولىمشەسىنە كەلۋگە مىندەتتەدى.

فرانسۋز اقپارات قۇرالدارىنىڭ حابارلاۋىنشا، پاۆەل دۋروۆ 24-تامىزدا پاريجدىڭ لە بۋرجە اۋەجايىندا بالالارعا قارسى قىلمىسقا، ەسىرتكى ساۋداسىنا جانە الاياقتىققا قاتىسى بار دەگەن ايىپپەن ۇستالعان.

يلون ماسك دۋروۆتىڭ ۇستالۋىن ءسوز بوستاندىعىنا كەپىلدىك بەرەتىن اق ش كونستيتۋتسياسىنا ەنگىزىلگەن ءبىرىنشى تۇزەتۋدىڭ «جارناماسى» دەپ اتادى.

ال Telegram كومانداسى پلاتفورماداعى قيانات تۋرالى ايىپتاۋلاردىڭ اقىلعا قونىمسىز ەكەنىن ايتتى.

ەۋروپالىق Politico باسىلىمى فرانتسيادا Telegram نەگىزىن قالاۋشى پاۆەل دۋروۆتىڭ اعاسى نيكولاي دۋروۆقا دا ىزدەۋ جاريالانعانىن حابارلادى.