پاكىستانداعى قاقتىعىستا 4 اسكەري قىزمەتكەر قازا تاپتى
استانا. KAZINFORM - پاكىستان ارمياسى التى شابۋىلداۋشىنىڭ كوزىن جويدى. بۇل تۋرالى انادولى اگەنتتىگى جازدى.
حايبەر- پاحتۋنحۆا پروۆينسياسىندا بولعان قاقتىعىس كەزىندە 4 اسكەري قىزمەتكەر مەن 6 شابۋىلداۋشى قازا تاپتى.
پاكىستان ارمياسىنىڭ حابارلاۋىنشا، اسكەريلەر مەن شابۋىلداۋشىلار اراسىنداعى قاقتىعىس وڭتۇستىك ۆازيريستان ايماعىندا ورشىگەن.
پاكىستان ارمياسى شابۋىل جاساعانداردىڭ قاي ۇيىمنىڭ مۇشەسى ەكەنى تۋرالى اقپاراتپەن بولىسكەن جوق.
بيىل حايبەر- پاحتۋنحۆا مەن بەلۋدجيستان پروۆينسيالارىندا شابۋىلدار كوبەيگەن.
يسلاماباد بۇل شابۋىلداردى اۋعانستاندا ورنالاسقان پاكىستاندىق تالىپتەر جوسپارلاپ، ۇيىمداستىردى دەپ مالىمدەپ وتىر. ال، اۋعانستان بۇل ايىپتاردى جوققا شىعاردى.
ايتا كەتەيىك، ا ق ش-تا ترامپتى ولتىرۋگە تاپسىرىس بەردى دەگەن كۇدىكپەن پاكىستان ازاماتى ۇستالعان ەدى. سونداي-اق پاكىستانداعى سۋ تاسقىنى ەكى كۇندە 35 ادامنىڭ ءومىرىن قيدى.
اۆتور
جاراسقان نۇرىبايەۆ
