پاكىستان ب ۇ ۇ قاۋىپسىزدىك كەڭەسىنىڭ شۇعىل وتىرىسىن وتكىزۋدى سۇرادى
استانا. KAZINFORM - پاكىستاننىڭ ب ۇ ۇ- داعى تۇراقتى وكىلى ۇندىستانمەن شيەلەنىستىڭ كۇشەيۋىنە، دجاممۋ مەن كاشميردەگى سوڭعى وقيعالارعا جانە ايماقتىق قاۋىپسىزدىك ماسەلەلەرىنە بايلانىستى الەمدىك ۇيىمنىڭ قاۋىپسىزدىك كەڭەسىنىڭ شۇعىل وتىرىسىن وتكىزۋدى سۇرادى.
بۇل تۋرالى Report اقپارات اگەنتتىگىنىڭ امەريكالىق بيۋروسىنا پاكىستان ميسسياسىنىڭ وكىلى امانات ءالي ايتتى.
ونىڭ ايتۋىنشا، ايماقتىق جاعدايدىڭ ناشارلاۋى جانە ءۇندىستان مەن پاكىستان اراسىنداعى شيەلەنىستىڭ كۇشەيۋى اياسىندا، اسىرەسە ايماقتىق جانە حالىقارالىق بەيبىتشىلىك پەن قاۋىپسىزدىككە ۇلكەن قاۋىپ توندىرەتىن دجاممۋ مەن كاشميردەگى جاعدايعا بايلانىستى پاكىستان ب ۇ ۇ قاۋىپسىزدىك كەڭەسىنىڭ شۇعىل جابىق كونسۋلتاتسيالارىن وتكىزۋدى رەسمي تۇردە سۇرادى.
پاكىستاننىڭ ب ۇ ۇ- داعى تۇراقتى وكىلى اسيم يفتيحار احمەد دۇيسەنبى كۇنى تۇستەن كەيىن قاۋىپسىزدىك كەڭەسىنىڭ وتىرىسىنان كەيىن مالىمدەمە جاسايدى.
ايتا كەتەيىك، 22-ساۋىردە ءۇندىستاننىڭ باقىلاۋىنداعى دجاممۋ جانە كاشمير ايماعىنىڭ پاحالگام اۋدانىندا قارۋلى ادامداردىڭ تۋريستەرگە وق جاۋدىرۋى سالدارىنان 26 ادام قازا تاۋىپ، بىرنەشەۋى جارالانعان بولاتىن.
