اكىم رەتىندە يدەال ەمەسپىن - ەربولات دوسايەۆ جۇمىسى تۋرالى
الماتى. KAZINFORM - الماتىلىقتار ەربولات دوسايەۆتان قالا اكىمى بولعان 2 جىل ىشىندە قانداي ىستەرىمەن ماقتانا الاتىنىن سۇرادى.
شاھار باسشىسىنىڭ پىكىرىنشە، وسى ۋاقىت ىشىندە ول كوپ نارسەگە قول جەتكىزگەن.
«مەن شىن نيەتىمەن الماتىنىڭ يگىلىگى مەن دامۋى ءۇشىن جۇمىس ىستەپ كەلەمىن. كوپ ءىس اتقارىلدى، ۇلگەرمەي جاتقان جەرىمىز دە بار. بۇل بولەك اڭگىمە دەپ ەسەپتەيمىن. مەنىڭ ويىمشا، وعان ۋاقىت تابىلادى. ماسەلە نە ويلايتىنىمدا ەمەس، ازاماتتاردىڭ مەنىڭ ەڭبەگىمدى باعالاۋىندا»، - دەدى دوسايەۆ.
ول اكىمدىك الماتىلىقتاردىڭ تۇيتكىلدى ماسەلەلەرىن ساپالى شەشۋگە تىرىسىپ جاتقانىن تىلگە تيەك ەتتى.
«سۇراقتار تۋىنداسا، سونى شەشۋگە تىرىسامىز. مەن دە اكىم رەتىندە يدەال ەمەسپىن. ءبىراق ەكى جىل اركەلكى بولدى. ۋاقىتىم بولعان كەزدە بۇل تۋرالى ايتاتىن بولامىن»، - دەپ اتاپ ءوتتى شاھار باسشىسى.
