ۋاكىلەتتى ورگانعا جالعان قۇجات ۇسىنعان استانالىق 10 جىلعا سوتتالىپ كەتتى
استانا. KAZINFORM - استانا قالاسىنىڭ پروكۋراتۋراسى الاياقتىق جانە لاۋازىمدى تۇلعاعا اسا ءىرى مولشەردە پارا بەرۋگە يتەرمەلەۋ دەرەگى بويىنشا قىلمىستىق ءىس بويىنشا تەرگەۋدى اياقتادى.
2018 -جىلى سوت ۇكىمىمەن پارا بەرۋشىگە 672 ميلليون تەڭگە كولەمىندە ايىپپۇل سالىنعان.
«جازادان جالتارۋ ءۇشىن پارا بەرۋشى ۋاكىلەتتى ورگانعا ايىپپۇلدى تولىق تولەگەنى تۋرالى جالعان قۇجات ۇسىنعان.
قالالىق پروكۋراتۋرا بۇل قىلمىستىق دەرەكتى دەر كەزىندە انىقتاپ، سوتتالعاننىڭ جازاسى ايىپپۇلدان 10 جىل باس بوستاندىعىنان ايىرۋعا اۋىستىرىلدى.
تەرگەپ- تەكسەرۋ بارىسىندا سوتتالۋشىنىڭ ميلليونداعان ايىپپۇل تولەۋدەن جالتارۋعا كومەكتەسكەن تۇلعا ۇستالدى»، - دەپ مالىمدەدى باقىلاۋشى ورگاننان.
القابيلەردىڭ قاتىسۋىمەن شىققان سوت ۇكىمىمەن كىنالى تۇلعا اسا ءىرى مولشەردە الاياقتىق جانە لاۋازىمدى تۇلعاعا اسا ءىرى مولشەردە پارا بەرۋگە يتەرمەلەۋ جاساعانى ءۇشىن مۇلكى تاركىلەنىپ، مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرا وتىرىپ، 10 جىلعا باس بوستاندىعىنان ايىرۋ جازاسىنا سوتتالدى.
ۇكىم زاڭدى كۇشىنە ەندى.
