اكەمنىڭ كىتابىن ءتۇپنۇسقادا وقي المايمىن: ءسابيت مۇقانوۆتىڭ قىزى العاش رەت سۇحبات بەردى

Жанна Мұқанова
سكرينشوت: Q•REC youtube ارناسى

استانا. KAZINFORM - ءسابيت مۇقانوۆتىڭ قىزى اكەسىنىڭ كىتابىن ءتۇپنۇسقادا وقي المايتىنىن مويىندادى. Q•REC youtube ارناسىندا تاياۋدا كەڭەس زامانى كەزىندە ورىستاندىرۋ ساياساتى قالاي جۇرگىزىلىپ، قازاقتار ءوز ءتىلىن قالاي ۇمىتىپ قالعانى جونىندە زەرتتەۋ ماتەريالى جاريالاندى، دەپ حابارلايدى Qaz365.kz.

جۋرناليست ءاليا ءاشىم زەرتتەۋ بارىسىندا جازۋشى ءسابيت مۇقانوۆتىڭ قىزى جاننا مۇقانوۆا تۇڭعىش رەت سۇحبات بەرەدى.

سۇحبات بارىسىندا جاننا مۇقانوۆا قازاق ءتىلىن شالا بىلەتىنىن ايتادى.

«ول كەزدە قازاق ءتىلى ءپانى مەكتەپتەردە وقىتىلا بەرمەيتىن. ادامدار دا ءبىر-بىرىمەن ورىس تىلىندە عانا سويلەسەتىن. اكە-شەشەم ءبىراق ۇيدە تەك قازاق تىلىندە سويلەسەتىن. ال مەكتەپتە مۇعالىمدەردىڭ ءبارى ورىسشا سويلەيتىن. قازاق مەكتەپتەرى تىم از ەدى، تەك بىرەۋ بولاتىن. 12- مەكتەپ قوي دەيمىن. اكەم جيىنداردا ىلعي «بىزگە قازاق تىلىندەگى مەكتەپتەر كوبىرەك كەرەك» دەپ باستاما كوتەرىپ جۇرەتىن. عابيت مۇسىرەپوۆتىڭ، جۇبان مولداعاليەۆتىڭ بالالارىنىڭ ءبارىن بىلەم. ءبارىمىز 56-ورىس مەكتەبىندە وقىدىق»، - دەيدى ول.

جازۋشىنىڭ قىزى جاستار كوبىنەسە قازاق تىلىندە سويلەپ، قىزىقسا، ءوز تىلىندە سويلەسسە قۋاناتىنىن ايتادى.

«البەتتە، ءار ۇلت ءوز ءتىلىن بىلۋگە ءتيىس. ءتۇپنۇسقادا كىتاپتاردى وقي الۋى كەرەك»، - دەيدى جاننا مۇقانوۆا.

«اكەڭىزدىڭ كىتاپتارىن ءتۇپنۇسقادا وقي الدىڭىز با؟» دەگەن سۇراققا ول «جوق» دەپ جاۋاپ بەرەدى.

«قازاق ءتىلىن بىلەمىن، تۇسىنەمىن. اۋىزەكى قازاق ءتىلى كۋرستارىنا جازىلدىم. كەلەشەكتە بىرنەشە ايدان كەيىن مەن اكەمنىڭ كىتاپتارىن ءتۇپنۇسدا وقي الام دەپ ۇمىتتەنەمىن»، - دەيدى ول.

سوڭعى جاڭالىقتار