اجىراسۋ جيىلىگى بويىنشا قازاقستان دۇنيە جۇزىندە ەكىنشى ورىندا تۇر

неке ажырасу
فوتو: Kazinform

استانا. قازاقپارات - 2023 -جىلدىڭ قاڭتار- جەلتوقسان ايلارىندا ەلدە 120,9 مىڭ جۇپ نەكەسىن تىركەدى. بۇل وتكەن جىلمەن سالىستىرعاندا %6 عا از. بۇل تۋرالى ranking.kz سايتى جازدى.

2008 -جىلى كوپ جىلعى ديناميكادا نەكەگە تۇرۋدىڭ ەڭ تومەن كورسەتكىشى تىركەلگەن بولاتىن. 135 مىڭنان استام جۇپ رەسمي تۇردە وتباسى بولدى. بۇل كەزدە ەلدەگى حالىق سانى 16 ميلليون ادامعا دا جەتپەگەن ەدى.

قالالاردا 2023 -جىلعى قاڭتار- جەلتوقسان ايلارىنىڭ قورىتىندىسى بويىنشا تىركەلگەن نەكە سانى 6,4 پايىزعا، 80 مىڭعا دەيىن، اۋىلداردا - 5,1 پايىزعا، 40,9 مىڭعا دەيىن قىسقارعان.

اجىراسۋ سانى دا ق ر ءۇشىن رەكوردتىق تومەن كورسەتكىشكە اينالدى: وتكەن جىلدىڭ 12 ايىندا بار بولعانى 16,8 مىڭ نەكە تىركەلدى، بۇل ءبىر جىل بۇرىنعىدان 5,3 پايىزعا از. قالالاردا اجىراسۋ سانى ءبىر جىلدا 5,2 پايىزعا، 12,4 مىڭعا دەيىن، اۋىلداردا - 5,5 پايىزعا، 4,4 مىڭ جۇپقا دەيىن ازايعان.

وڭىرلەر بويىنشا ەڭ كوپ نەكە الماتىدا تىركەلگەن: 13,1 مىڭ، بۇل ءبىر جىل بۇرىنعىدان 4 پايىزعا از. ودان كەيىنگى ورىندا تۇركىستان وبلىسى (11,8 مىڭ، جىلىنا مينۋس %11,4) جانە استانا (10,4 مىڭ، مينۋس %2,8) تۇر. ەڭ از نەكە ۇلىتاۋ وبلىسىندا تىركەلگەن - 1,5 مىڭ.

اجىراسۋدىڭ ەڭ كوپ سانى دا الماتىدا تىركەلدى: 2,3 مىڭ، بۇل ءبىر جىل بۇرىنعى كورسەتكىشتەن 2,1 پايىزعا از. ودان كەيىن قاراعاندى وبلىسى (1,5 مىڭ اجىراسۋ) مەن ەلوردا (1,5 مىڭ) تۇر. ەڭ از اجىراسقاندار ۇلىتاۋ وبلىسىندا بولعان - نەبارى 198.

قازاقستاندا 2023 -جىلدىڭ قاڭتار- جەلتوقسان ايلارىنىڭ سوڭىندا نەكە قيۋ كورسەتكىشى 1000 ادامعا شاققاندا 6,46 دان 6,07 گە دەيىن تومەندەدى. نەكەنىڭ ەڭ جوعارى كورسەتكىشى ەلوردادا تىركەلدى - 1000 ادامعا شاققاندا 7,46. ۇزدىك «ۇشتىككە» ۇلىتاۋ مەن الماتى وبلىستارى دا كىردى. ەڭ تومەنگى كورسەتكىش تۇركىستان وبلىسىندا تىركەلگەن.

اجىراسۋ كوەففيتسيەنتى ءبىر جىل بۇرىن 1000 ادامعا شاققاندا 0,89 عا قارسى 0,84 بولدى. وڭىرلەر بويىنشا اجىراسۋدىڭ ەڭ جوعارى كورسەتكىشى شىعىس قازاقستان، قاراعاندى جانە پاۆلودار وبلىستارىندا، ەڭ تومەنى تۇركىستان وبلىسىندا تىركەلدى.

اجىراسۋلاردىڭ مۇنداي از بولۋى، جالپى اجىراسۋلار تۋرالى دەرەكتەر سياقتى ستاتيستيكالىق دالسىزدىك، ويتكەنى بۇل كورسەتكىش نەكەنى بۇزۋ تۋرالى سوت شەشىمدەرىن ەسەپكە الماستان ازاماتتىق حال اكتىلەرىن جازۋ ورگاندارىنىڭ مالىمەتتەرى بويىنشا عانا قۇراستىرىلادى. شىن مانىندەگى كورسەتكىشتەر الدەقايدا ناشار.

وسىلايشا، Petrelli Previtera-نىڭ 2024 -جىلدىڭ 4-ناۋرىزىندا جاڭارتىلعان مالىمەتىنشە، اجىراسۋ دەڭگەيى بويىنشا دۇنيە جۇزىندە مالديۆ ارالدارى ءبىرىنشى، ال قازاقستان ەكىنشى ورىندا تۇر. ەلدەگى كورسەتكىش 1000 ادامعا شاققاندا 4,6 بولدى.

ماماندار ەلىمىزدەگى اجىراسۋدىڭ نەگىزگى سەبەبى تۋىستاردىڭ ارالاسۋى (%61)، ءمورالدىق شەكتەۋلەردىڭ جوقتىعى (%41)، اجىراسۋ پروتسەسىنىڭ جەڭىل بولۋى (%25) ەكەنىن اتاپ ءوتتى. سونداي-اق قازىرگى قازاق ەرلەرى مەن ايەلدەرىنە سايكەس كەلمەيتىن قاتال گەندەرلىك رولدەردىڭ ساقتالۋى جانە نەكەگە دەگەن جالپى وزگەرگەن كوزقاراس پروبلەمالار قاتارىندا تۇر.

ءبىر قىزىعى، اجىراسۋ كورسەتكىشى جوعارى بولعانىمەن، قازاقستاندىقتار نەكە ينستيتۋتىن ءالى دە جوعارى باعالايدى. زەرتتەۋلەر كورسەتكەندەي، قازاقستان جاستارىنىڭ 82,5 پايىزى (18-29 جاس) ءوز بولاشاعىن نەكەدە جانە بالالى بولۋدا كورەدى.

«اجىراسقان» ەلدەردىڭ العاشقى «وندىعىنا» گۋام، رەسەي، مولدوۆا، بەلارۋس، قىتاي، ارۋبا، ليتۆا جانە دومينيكان رەسپۋبليكاسى كىردى.

اۆتور

زارينا تۋعانبايەۆا

سوڭعى جاڭالىقتار