اۋەجايدا بالاعات ءسوز ايتقان شىمكەنتتىك تۇرعىنعا قوماقتى ايىپپۇل سالىندى

Таразда 18 жастағы жүргізушіге бірден 5 айыппұл салынды
Фото: Виктор Федюнин/Kazinform

اۋەجايدا بالاعات ءسوز ايتقان شىمكەنتتىك تۇرعىنعا 220 مىڭ تەڭگە ايىپپۇل سالىندى، - دەپ حابارلايدى otyrar.kz.

اۋەجايدا قوعامدىق ءتارتىپتى بۇزعان ماس ەر ادامعا 220 مىڭ تەڭگە ايىپپۇل سالىندى. تۇركىستان اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى اۋماقتى پاترۋلدەۋ بارىسىندا قوعامدىق ءتارتىپتى بۇزعان ەر ادامدى انىقتادى.

تەكسەرۋ بارىسىندا ماس كۇيدە ادامدارعا بالاعات ءسوز ايتقان 38 جاستاعى شىمكەنت قالاسىنىڭ تۇرعىنى انىقتالدى.

سونداي-اق، قۇقىقبۇزۋشى پوليتسيا بولمەسىنە جەتكىزىلگەن كەزدە قىزمەتكەرلەردىڭ زاڭدى تالاپتارىنا باعىنباعان.

ۇستالعان ەر ادامعا قاتىستى بىردەن ءۇش اكىمشىلىك حاتتاما - الكوگولدىك ىشىمدىكتەردى ىشكەنى نەمەسە ماس كۇيدە قوعامدىق ورىندارعا شىققانى ءۇشىن، ۇساق بۇزاقىلىق جاساعانى ءۇشىن، سونداي-اق، قۇقىق قورعاۋ ورگانى قىزمەتكەرىنىڭ زاڭدى بۇيرىعىنا نەمەسە تالابىنا باعىنباعانى ءۇشىن اكىمشىلىك حاتتاما تولتىرىلىپ، ماتەريالدار سوتقا جولداندى.

ايتا كەتەيىك، بۇل ەر ادام بۇرىن جىل بويى ىشىمدىك ىشكەنى ءۇشىن اكىمشىلىك جاۋاپكەرشىلىككە تارتىلعان.

سوت شەشىمىمەن ەر ادامعا 60 ا ە ك (221520 تەڭگە) كولەمىندە ايىپپۇل سالىندى.

سوڭعى جاڭالىقتار