اجار عينيات دەنساۋلىق ساقتاۋ جۇيەسىندە قىزمەتىن جالعاستىرا ما

استانا. KAZINFORM - ق ر دەنساۋلىق ساقتاۋ ءمينيسترى اقمارال ءالنازاروۆا وسىعان دەيىن ۆەدومستۆونى باسقارعان اجار عينياتپەن بولعان كەزدەسۋى جايىندا ايتىپ بەردى.

«اجار عينيات قىزىمەن كەزدەستىم. ءبىز ارىپتەسپىز، ءبىرازدان بەرى بىرگە جۇمىس ىستەپ كەلەمىز. ءار كەزەڭدە ءتۇرلى ۆەدومستۆو باسشىسىنا جۇكتەلەتىن وزىندىك مىندەتتەر بولادى. اجار عينيات قىزى ەلدەگى كوروناۆيرۋس ىندەتى جاپپاي تارالعان كەزىندە قىزمەتكە كەلىپ، ونىڭ بارلىق جۇمىسى جەدەل باسقارۋعا باعىتتالدى. سونىمەن قاتار، قازىر ءبىز ۆاكسينامەن باسقارىلاتىن ينفەكسيالاردى كورىپ وتىرمىز. 2023 -جىلى دۇنيەجۇزىلىك دەنساۋلىق ساقتاۋ ۇيىمىمەن بىرگە جۇمىس ىستەۋگە ەرەكشە نازار اۋدارىلدى. سوندىقتان ءبىز ونىڭ تاجىريبەسىن مىندەتتى تۇردە قولدانامىز»، - دەدى ا. ءالنازاروۆا سەناتتا تىلشىلەر سۇراعىنا جاۋاپ بەرە وتىرىپ.

ول دەنساۋلىق ساقتاۋ مينيسترلىگىنىڭ بۇرىنعى باسشىسى اجار عينياتتىڭ وسى جۇيەدە قالۋى مۇمكىن دەگەن پىكىرىن ءبىلدىردى.

سونداي-اق جۋرناليستەر مينيستردەن «ا. عينيات جۇمىسقا قاتىستى قانداي دا ءبىر كەڭەس بەردى مە» دەپ سۇرادى.

«ءبىراز ناقتى كەڭەستەر ايتىلدى... نەگىزى، جۇمىس بارىسىندا اپپاراتتاعى جاعدايدى كورەسىزدەر. ەگەر قانداي دا ءبىر سۇراقتارىڭىز بولسا، جاۋاپ بەرۋگە كەز كەلگەن ۋاقىتتا دايىنمىن. بارلىق ۇسىنىس ەسكەرىلەدى. اجار عينيات قىزى وزىنە جۇكتەلگەن مىندەتتەردى لايىقتى ورىندادى»، - دەدى دەنساۋلىق ساقتاۋ ءمينيسترى.