قازاقستاندا Airbus ۇشاقتارىنا قىزمەت كورسەتەتىن سەرۆيس ورتالىعى اشىلادى
وتاندىق قورعانىس ونەركاسىبىنىڭ باستى مىندەتتەرىنىڭ ءبىرى - كاسىپورىنداردىڭ تەحنولوگيالىق ينفراقۇرىلىمى مەن كادر الەۋەتىن دامىتۋ. بۇل ەلىمىزدىڭ قارۋلى كۇشتەرىن، باسقا دا اسكەرلەر مەن اسكەري قۇرىلىمداردى قازىرگى زامانعا ساي قارۋ- جاراق پەن اسكەري تەحنيكامەن قامتاماسىز ەتۋ مىندەتىن ورىنداۋعا مۇمكىندىك بەرەدى.
بيىل ەلىمىزدىڭ قورعانىس ونەركاسىبى كاسىپورىندارى ءبىرقاتار پەرسپەكتيۆالىق جوبالاردى ىسكە اسىرۋدى جوسپارلاپ وتىر. اتاپ ايتقاندا، «№ 405 اۆياجوندەۋ زاۋىتى» ا ق بازاسىندا م ي-171ش تىكۇشاقتارىن قۇراستىرۋ، «قازاقستاندىق اۆياتسيالىق يندۋستريا» ج ش س كاسىپورنىندا Airbus ۇشاقتارىنا قىزمەت كورسەتەتىن سەرۆيس ورتالىق اشۋ؛
«پەتروپاۆل اۋىر ماشينا جاساۋ زاۋىتى» ا ق بازاسىندا مەملەكەتتىك شەكارانى قورعاۋدىڭ تەحنيكالىق قۇرالدارىن ءوندىرۋ، «تىنىس» ا ق، «الما م ۇ» ج ش س، «ميليتارم» ج ش س كاسىپورىندارىندا رادياتسيالىق جانە حيميالىق قورعاۋ قۇرالدارى ءوندىرىسىن جولعا قويۋ جوسپارلانعان. سونىمەن قاتار، «سەمەي ينجينيرينگ» ا ق بازاسىندا برونەتانكتىك تەحنيكانى جاڭعىرتۋ؛ «Steelmanufacturing» ج ش س اۆتوماتتى وق- دارىلەر ءوندىرۋ، «قازاقستان پاراماۋنت ينجينيرينگ» ج ش س- دە «بارىس 8*8» ساۋىتتى دوڭگەلەكتى ماشينالار ءوندىرىسىن، «تىنىس» ا ق بازاسىندا ا ك-12 جانە ا ك-15 اۆتوماتتارى ءوندىرىسىن ىسكە قوسۋ كوزدەلىپ وتىر.
جالپى العاندا، ەلىمىزدىڭ قورعانىس- ونەركاسىپ كەشەنى قالىپتاسۋ جولىنان ءوتىپ، بۇگىنگى تاڭدا اسكەري سالانى عانا ەمەس، ازاماتتىق سەكتوردى دا ءتۇرلى ونىمدەرمەن قامتاماسىز ەتىپ كەلەدى.
