Air Astana تانىمال مۋزىكانت ەرلان كوكەيەۆتىڭ گيتاراسىن ىزدەپ جاتىر

Ерлан Кокеев гитара
Фото: коллаж Kazinform

 استانا. KAZINFORM - اۋە كومپانياسىنىڭ وكىلدەرى ەلىمىزگە تانىمال مۋزىكانت ەرلان كوكەيەۆتىڭ جۇگىن جوعالتۋ فاكتىسىن راستادى.

سونداي- اق، Air Astana-دان Kazinform اگەنتتىگىنىڭ تىلشىسىنە جابىرلەنۋشىدەن ءوتىنىش قابىلداعانىن جانە قازىر گيتاراسالىنعان قوراپتىڭ ىزدەستىرىلىپ جاتقانى ءمالىم بولدى.

«بۇگىندە اۆياكومپانيا باقىلاۋ كامەرالارىنىڭ جازبالارىن پايدالانا وتىرىپ، جۇكتى ىزدەستىرۋدە. ءبىز گيتارانى تابۋ ءۇشىن بار كۇشىمىزدى سالامىز»، - دەپ حابارلادى Air Astana وكىلى اگەنتتىك تىلشىسىنە.

ايتا كەتسەك، مۋزىكالىق اسپاپتىڭ جوعالعانى تۋرالى ەرلان كوكەيەۆ الەۋمەتتىك جەلىدە حابارلادى.

ونىڭ ايتۋىنشا، وسكەمەندە ۇشاققا مىنەر الدىندا جۇك تاپسىرعان، الايدا، الماتىعا قونعاندا گيتاراسىن تاپپاعان.

مۋزىكانتتىڭ ايتۋىنشا، مۇنداي وقيعا ءبىرىنشى رەت بولىپ جاتقان جوق جانە بارلىق جاعداي Air Astana اۋە كومپانياسىنا قاتىستى.

سونداي- اق، ۇلتتىق اۆياكومپانياعا ءماجىلىس دەپۋتاتى يرينا سميرنوۆانىڭ دا شاعىمى بار. حالىق قالاۋلىسىنىڭ مالىمدەۋىنشە، «الماتى- استانا» اۋە رەيسى كەستەدەن جەتى ساعات بۇرىن ۇشىپ كەتكەن جانە الدىن الا ەسكەرتۋ جاسالماعان. ەندى ءماجىلىس دەپۋتاتى سوتقا جۇگىنبەك.

«داۋ شىعارۋعا سەبەپ - جولاۋشىلاردى قۇرمەتتەسىن! ماتەريالدىق تولەم وتەۋدى كوزدەمەيمىن، مورالدىق تۇرعىدان مونوپوليست بولۋىنا بايلانىستى ولارعا سەنۋگە ءماجبۇر بولعان ءارقايسىمىز ءۇشىن جاۋاپ بەرۋى كەرەك. ولار جولاۋشىلارعا دەگەن كوزقاراستى وزگەرتۋى كەرەك. ءبىز ولار ءۇشىن شىعىن ماتەريالى ەمەسپىز»، - دەدى ي. سميرنوۆا Kazinform تىلشىسىنە.

سوڭعى جاڭالىقتار